沙田有好多好嘢食,有一間喺無印隔離嘅唔知大家有無試過,隊長B多年前試過2次感覺都唔錯嘅,趁今日無嘢做喺沙田閒逛就同隊員W黎呢度試下有無退步啦! ------------------ 可能唔係假日啦,已經無以前要等位等成個鐘嘅情況出現,店員好快就安排好座位~呢度行西日風格,依然係好舒服嘅梳化位,環境幾relax有種屋企的溫馨感,店員仲非常親切,好似隊長B超級笨拙跌左隻叉店員都第一時間留意到,呢樣真係非常Appreciate的~ 呢度最出名嘅係德式口味的Pancake,搵食兵團當然唔會錯過!連焗盤上碟係德式班戟的特點,9.3吋嘅Rosie’s 精選斑戟($90),放上了澳洲沙律菜、煎香嘅煙肉同福岡番茄粒,再淋上忌廉芝士、甘筍和雞蛋調製的醬汁,層次豐富,班戟蛋味好濃,帶有絲絲的甜味,入口呈半融狀態,質感軟綿不乾涸,令人食完一個咸嘅係會想叫多一個甜嘅。 一個Pancake當然唔夠搵食兵團食啦,於是又叫左一個藍青口大蝦海鮮燴飯 ($120)同埋一份炸洋蔥圈+薯角($68)~炸洋蔥圈超好味的,帶有少少甜味,炸得好脆,仲有4隻醬料,如果隊長B無亂黎搞錯的話應該有:茄汁﹑他他醬﹑蛋黃沙律醬同埋蕃茄香草汁~私心推介兩後者~因為有特色啲丫嘛哈哈! 至於個燴飯,茄味都幾濃,飯底唔會太乾,雖然配料少啲,但整體係好味嘅! 再飲Wildberry orange squash($58),唔知係咪心理作用定配方唔同左,驟覺好似無以前咁好飲,有點失色,但都係酸酸甜甜好開胃的~而且有唔少果肉喺入面,幾真材實料的! 而Green Tea Pudding & Mango($62)就比想像中奇怪,有啲綠茶又有啲芒果布丁,比例上黎講水份唔多,所以飲到一半好容易就會淨番有點甜膩的布丁... ----------------------- 好味指數:7.5/10 翻啅指數:6.5/10 人均消費:101-200 服務態度:8/10 乾淨指數:7.5/10 ------------------------- Rosie's Cafe 沙田新城市廣場3期3樓A305鋪 ------------------------- #相機食先 #美食#食好西 #食物#hs隨食西餐 #hs沙田#沙田#西餐#hs中產遊 #意大利飯#班戟#pancake#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#risotto#cafe#latte#coffee ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram