大角咀區雖然唔係特別就腳,但搵食兵團間中都會去八卦下有咩好野食同新餐廳~尤其完全諗唔到食咩嘅時候,行過去就到睇下都無妨~ 雖然呢間Corner 32唔算新開,但係搵食兵團就從來無試過~內裏位置不多,但的的色色cafe感覺都幾舒服,於是就入去試下啦! ------------------ 因為隊長B好中意食菇菇,所以叫左兩個菇菇大餐: -焗意大利飯配芝士半熟蛋焗大啡菇配黑醋沙律($108) 由於佢地嘅野全部都係即叫即整,加上店主話一隻大啡菇工序超繁複,所以味道係超好食的~飯硬度偏濕但蕃茄味超強,初時隊長B都見唔到隻蛋,但原來奧妙在於大菇入面,因為一篤開隻菇就會見到黃色的蛋汁一瀉而出~同埋菇菇一齊食好滿足的說~不能用語言表達,但好滑好creamy好惹味~ -芝士大啡菇煙肉全麥漢堡配脆薯條及田園沙律($98) 薯條架好得意~兩邊裝住唔同嘅醬汁,一邊係茄汁一邊係他他醬,薯條好脆點兩邊醬都好食~好驚喜係個包都係脆嘅,漢堡醬好足夠,不過塊扒就略微唔夠味,亦唔夠juicy,不過仍然好味~ 另外再加個菇菇小食~(隊長B懷疑如果有菇菇特飲,隊長B都會揀⋯) -焗原粒新鮮白菌(芝士、肉醬)($35) 因為無左白菌所以改左做焗大啡菇~~同大菇飯唔同嘅係,呢個焗菇係有肉醬嘅,相對會多啲層次感不過真係要揀,隊長B其實會中意意大利飯入面個菇菇多啲~因為菇味再濃郁啲~同埋滑啲啲~ 好啦,論到嘢飲啦~叫左一杯Corner 32($38) 同一杯牛奶古古力($30)~Corner 32 造型好似一片綠州,唔知係咪形容間餐廳好似繁華都市嘅一片綠州呢?第一啖飲落都幾酸,非常提神醒胃而且薄荷味都幾重,所以都幾fresh~至於朱奶個比重恰到好處,唔會好甜而且好滑口,抵讚! ----------------------- 好味指數:8/10 翻啅指數:7.5/10 人均消費:101-200 服務態度:8/10 乾淨指數:8/10 ----------------------------------------- Corner32 大角咀大全街13號大同新邨大有樓地下 ------------------------- #相機食先 #美食#食好西 #食物#hs隨食西餐 #hs大角咀#大角咀#西餐#hs中產遊#hs搵食重點#菇#雜菌#cafe#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#burger#cafe ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram