上次黎過「心煱」呢度飲茶覺得啲野食幾特別,睇到佢地原來夜晚係任食火鍋仲要唔算貴成人每位$158加一,細路$98,任飲任食兩粒鐘,咁就緊係繼續試埋佢啦~ ------------------------ 上到去都發覺原來幾滿座喎,好彩有book位,一坐低經理就叫我地揀鍋底同快D出去拎野飲 點擊圖片放大 **呢3支真係見都未見過~~特別特別~~ 鍋底都有幾個選擇嘅,本來想叫川式酸菜鍋,不過原來今日無左,變左冬陰公…所以都係叫翻正宗麻辣鍋啦! 個鍋底黎到時候我地都不禁驚訝,「個色都好深紅」喎…因為隊長B係嗜辣之人,所以心底暗爽,今次應該夠辣勁兒啦~ 試試湯底先,原來無想像中咁辣,不過當然都有辣感嘅,而且無咩麻勁,整體有D似寧記麻辣鍋陣味,不過無咁香同麻~ 跟住就緊係火速填菜單嘅時候啦!唔好以為呢個價就無咩好野食喎~原來都有生猛海蝦﹑是日海鮮(今日係蜆~)﹑花雕醉雞件﹑白鱔片﹑九肚魚﹑鵝腸呢D貴價野同埋一啲隊長B好少喺出面邊爐場會見到嘅料,例如:生劏田雞(整隻)﹑腐皮蝦卷﹑特式淮山麵﹑韓國拉麵~ 點擊圖片放大 +3 講下啲野食先~雖然呢度會有走單情況,但係走左就再叫係隊長B嘅原則~海蝦好新鮮,而且大大隻,隻隻有蝦羔,好滿足的說,不過可能食8點呢場啦,去到9點幾再諗住加蝦時已經話無晒♀️,早D可能會好啲嘅~ 午餐肉超厚切,平時係出面好少食得咁過癮,有啲地方仲可能係比火腿豬肉添,不過呢度好好,係足料嘅! 鵝腸都清得好乾淨,無咩多餘油膏,不過唔係隊長B中意食果種~但湊合埋佢所謂嘅「淮山麵」同埋麻辣湯整出黎嘅「自製鵝腸麵」就是很不錯的說~ 白鱔同牛骨髓都好新鮮,可恨是肚子容量不夠,想再叫已經食唔落~另外好想食嘅九肚魚可能都係賣晒,始終都係無黎… 整體來說呢度都未嘗唔係一個邊爐選擇除左多特別野食仲有好多飲品揀,不過如果要好好食就叫一般啦~ 好味指數:7/10 翻啅指數:7/10 人均消費:10-99 服務態度:6.5/10 乾淨指數:7/10 ----------------------------------------- 心煱 旺角太子道西96-100號萬年大廈1樓 ---------------------- #hs火鍋#火鍋#hs廣東菜#hs旺角#旺角#食好西#美食#相機食先#食評#hs搵食重點#hs中產遊#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#Chinese#hotspot ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram