話說我外子一向懶過鬼，一直無視家族性三高遺傳嘅警告，唔單止唔做運動，仲要經常鯨吞東坡肉同三多炸脾，早兩星期突然覺得個心好似有野un 住un 住咁，所以走去睇醫生，醫生當然要佢去做body check 啦，結果當然不出所料：血糖高、血壓高、脂肪肝，另外，心跳都比平常人高。由於D 數字太嚇人，醫生建議佢最好買隻錶 check 住自己心跳，另外，要早晚check血壓，仲要開始做運動，三個月後再去 check, 如果無改善就要食藥。 同佢拎左報告，拿拿林走左去同佢一人買左一隻Polar A370黎帶。其實都有比較過Fitbit，我地最後揀左Polar，除左因為sales推介 (佢話要check 心跳，一定係揀Polar, 因為Polar係做心跳起家，會較其他牌子可靠)，另外仲因為隻錶個mon顏色較其他牌子靚，D字又大隻touch screen 畫面好易用。加上Polar A370記錄晒全日24小時的心跳，唔單止睇到每日最高同最低心跳，仲可以用手機睇到全日心跳變化，啱我老公呢D 高危人士。 (高清touch screen 錶面好清楚易用) 同好多智能產品一樣，隻錶買左返去唔係即開即用，要用手機Apps 啟動隻錶，成個過程大約10分鐘左右啦，我呢D電子儀器白痴都SET 到。(詳情睇呢度, 我step by step 跟進做而已) 操作好簡單，touchscreen 撥撥下就OK，想睇心跳可以去”my heart rate”，想做運動就去 “training”。 (手錶menu 有不同選項, 包括即時睇心率) 運動模式顯示好清楚，用唔同色代表唔同的心跳區，我心跳越快，就會升左去另外一個區。以我老公為例，醫生叫佢一開頭做運動唔好咁急，要佢控制住係中等強度好喇，咁佢就會keep 住係藍色同綠色區度運動 (其實佢行快兩步都上到去綠色, 仲唔做運動真係不敢想像)。 (其實我都唔好得老公好多, 簡單係屋企拉下筋都已經過百下心跳) 而最緊要的全日心跳監測功能，係乜制都唔駛拑，只要我帶住左隻錶, 隻錶就自動自覺自自然然幫我記錄，記錄完後只要我隻錶同手機link up 一次，隻錶就會顯示到全日的心跳變化，令外仲要pinpoint 我全日最高同最低心跳的時間。我可以好容易trace 得到係乜野時間發生乜野事令我心跳突然間高左或低左。 (手錶睇到最高同最低心跳) (手機apps 有圖表詳細風析，並於我老公呢D 數佬，睇數據佢最高興) (連瞓覺得睇埋, 突然覺得自己好專業 XD) 依家有隻錶睇實佢, 加上強制性節食 (其實都係食糙米, 戒炸脾而已)，希望佢有進步啦！ 遲D 再報告下。
