激光脫毛資訊分享

2016/11/04

教你防醫學美容騙局實用四招

曾經為醫美容療程廣告心動嗎?很多人都期望透過簡單的醫學美容療程即時改善外觀,但很多美容院及醫學美容中心「閂埋門做生意」,易中陷阱墮入醫學美容騙局,還要套票未用完又被Sell套票利叠利無限LOOP隨時萬劫不復

 

 

貪靚一族無畏無懼,唯有自己皮膚自己救。既然係要做醫學美容先解決到皮膚問題,不如學點揀不再盲目相信宣傳,避免承受大風險遇上醫學美容陷阱始終美麗無罪,但要緊記: 
 
 
1. 科技只用最新唔新唔用
傳統手做美容旨在Relax & Enjoy,但醫學美容療程屬於治療作用很多時會用到較高能量的儀器,所以做療程之前最好了解下用咩醫學美容儀器。始終科技一日千里,三年前出廠的手機壞了今日可能已找不到零件更換如果療程所用的醫學美容儀器已出廠十年八載缺點沒有改善,老化了原廠又未必可維修,如果將就用在客人身上,風險必然大增
 
點為之最佳醫學美容儀器
—原裝正貨
—有醫學報告臨床實証成效
—有國際安全認證,最普遍是美國FDA、歐盟CE、韓國MFDS (KFDA)
用最新款技術與時並進
最新醫學美容儀器進化史:

 

 
激光脫毛冷凍系統
舊式:敷冰、敷GEL、吹凍風

HIFU輪廓拉提
舊式:Ultherapy, Doublo, HIFUThemage

增生膠原療程

最新:水原共生
舊式:膠原自生

缺水補濕療程
最新:PTLI激光水脈導入、水光槍
 
 
2. 人夠專業完善系統

貪靚嘅人就算幾大膽,都會怕毀容,醫學美容大大小小唔同的風險,所以做療程每個STEP一絲不苟,尤其一些療程做完後還會有downtime,每個人反應唔同,復原期有長有短,呢個時候亦係最容易令人擔心的時候,初初做醫學美容療程後,見到塊面有腫/有傷口/有紅等不同副作用會驚驚地所以要揀一間信得過的專業醫學美容中心,成個過程都放心好多。
 
舉個例,皮膚專科醫生陳厚毅都有話:「其實激光機的操作並不困難,但要有嚴格訓練,大家都係咁做,但點解有啲做完會受傷或者效果唔好,主要係訓練與專業知識不足。」

 
點為之專業的醫學美容中心

—有醫學基礎擁有專業醫療團隊、有醫生坐鎮的醫學美容中心
—醫生醫護人員激光治療操作人員全部都有註冊有證書,受過專業培訓
—香港醫院都有完善的DCIMS醫療系統,專業可靠的醫學美容中心一樣會有DCIMS醫療系統,或者由醫療團隊組成Clinical Department貼身跟進人療程進度及狀況
—療程前要填寫皮膚狀況的問券或詳細的療程同意書 (宜看清楚條款)
 
市面使用DCIMS醫療系統,及有Clinical Department 的醫學美容公司:Medilase, Clinicz, Clinicx

 
 

3. 口碑正評即時更新

 

唔洗下下身先卒,上網睇下負皮有幾多,正評多唔多。即使唔係黑店,睇FORUMBlog留意係咪會拉閘放狗硬銷當然上網都要小心打手,盡量揀客觀的來看,亦可以向身邊朋友做個小型調查,有朋友親身做過試過自然放心好多。或者到公司網站或facebook專頁睇用家留言。最靠得住的正評係網上即時更新的留言,還有你身邊親友的親身經驗了。

 
 
 
4. 療程收費透明度


無論激光脫毛、HIFU、水光槍等醫學美容療程有啲公司表面一個價,閂埋門又另一個價,折扣人人不同,一如無掩雞隨時劏你一頸血,特別係試做價甚至免費體驗的療程包咩要問到底先知有無隱陷阱。HIFU療程尤其離譜幾百蚊到幾萬蚊都有,大部份睇你用左幾多發嚟計,但其實邊個數得出用左幾多發?做幾多先有效?好多時做完係咪真有效都只係靠肉眼睇。少數肯負責任的醫學美容中心會每次療程前後幫客人做皮膚測試或輪廓分析,有無效可以睇客觀紀錄同數據。


 
HIFU價錢計算方法 (以做全臉為例)
  • HIFU, Ulthera, doublo: 視乎臉部大小,以發數計。
  • MDS膠原激活: 療程一個價,做足為止。
  • Themage: 雖然不是hifu,但有助提升輪廓。按部位計。

點都好,做醫學美容療程一定唔好貪平,講真平嘅寧願唔做好過做。呢個世界有借有還,醫學美容的技術通常由醫學研發而來,成本又點會平如果係最新技術必然有一定的合理價值如果貪平最後就要承擔苦果一係有隱收費一係要承擔更大風險,點都沒理由用自己個樣來冒險吧。


 
 

 

 

2016/09/02

激光脫毛懶人包 速速拆解激光脫毛疑團

激光脫毛疑團 由專家教你拆解 (轉載Cosmo) 

在眾多醫美療程中,激光脫毛是較普遍的美容療程,最近香港醫護學會向十八至四十歲的女性進行調查,
結果顯示九成有脫毛習慣的女士,對脫毛的認知不足,讓我們找來生物工程專家關志邦博士為你拆解的疑團。

是否所有激光都能做到永久脫毛?
超過三成人都不清楚脫毛儀器的能量強度,與毛髮再生有關。
只有最高能量的激光,才可以經毛髮的黑色素傳送到底部破壞毛囊,做到永久脫毛。

 

 

如何找到最高的激光能量?
超過八成人都不了解放射機頭的大小,會影響激光能量及永久脫毛效果。
 細機頭                                                 大機頭
大多數人只著重激光的波長,而忽略大機頭、細機頭及脈衝的重要性。
適合亞洲人的激光脫毛波長有810nm及755nm兩種,
當中755nm波長最有效被黃皮膚黑毛髮吸收,被毛髮吸收的能量也最強。
但選擇激光脫毛就如買手機看各種功能組合一樣,不能單看激光波長,
還要看Pulse Duration (脈衝) 和機頭,
Pulse Duration越短,皮膚表面接收的能量越多,
而機頭越大,可覆蓋的範圍更大,
激光脫毛的效果才夠細緻。
所以選擇激光脫毛機,要記得以下組合:
755nm波長 + 0.25ms Pulse Duration + 24mm大機頭,
就能令毛髮吸收到最高能量。

 

 

為何冷凍方法會影響激光脫毛效果?
超過八成人都不知道冷凍方法會影響激光脫毛效果。

 

冷凍方法原意是抵消表皮層的熱力,保護皮膚。
坊間常見敷冰袋、凍啫喱的冷凍方法,都會同時冷凍毛囊,減弱激光所發出的熱力,
毛囊無法徹底消滅,影響永久脫毛效果。
2016年最佳激光脫毛冷凍方法為內置智能降溫科技EPID COOLING SYSTEM
在時間、份量及溫度都經過電腦精密計算,
於激光發出前0.02 秒智能噴出-20度的冷凍劑Cryogen,既可保護皮膚而又不會冷卻毛囊,
是最理想的激光脫毛冷凍方法。

激光脫毛懶人包
>  755nm激光波長
>  0.25ms Pulse Duration
>  24mm大機頭
>  內置智能降溫科技 
 
不過要注意的是,由於每個人身體狀況有異,部份人於激光脫毛療程完成後,或因懷孕或身體狀況改變令體內荷爾蒙產生變化,而有機會出現少量毛髮再生。
 
 
 
你也會感興趣的話題
 
 
 
Source:Cosmopolitan (資料由關志邦博士提供) 

 

 

2015/09/21

貪靚變噩夢小腿燒傷 美少女彩光脫毛永留疤

美少女以為彩光脫毛可以一勞永逸,卻因此換來長腿上永久疤痕! Carol本月初到纖之美醫學美療中心,進行小腿彩光脫毛,豈料「一脫毛成千古恨」,右腳小腿事後出現二十多條火車軌狀的紅印,經診斷證實小腿被燒傷,傷痕永久不消除。美容中心竟以「我哋有我哋嘅專業,唔接受醫生診斷」,美少女已向警方報案和向消委會投訴,並準備民事追訴。記者:李凱琳

在友人介紹下, Carol於7月8日,到纖之美醫學美療中心位於尖沙嘴金馬倫道分店,進行小腿彩光脫毛。她憶述,療程由一名十分年輕的女職員進行,「佢喺我小腿搽啲啫喱,跟住等咗一陣,就用部彩光機照我啲皮膚。」事後職員用濕紙巾抹走啫喱,然後着她「搽返啲蘆薈保濕就 ok」,毋須其他特別護理。

美容中心不認同醫生診斷

「做完彩光,已即時覺得右小腿痕痕哋。兩日後,我喺屋企着住短褲坐嘅時候,爸媽望住我隻腳,好驚咁話:『阿囡,你隻右腳做咩腫晒紅晒?』真係嚇死我!」 Carol向記者展示當晚發現小腿紅腫的相片,相片中可見 Carol的右邊小腿出現至少二十多條火車軌狀的紅印。

翌日早上, Carol發現這些紅印上出現許多小水泡,她立即致電通知美容中心,但職員表示「經理唔喺度,下午你再嚟畀我睇吓」,但為防情況惡化,她決定先向皮膚科醫生求診,「醫生一睇就話好明顯係燒傷,仲話啲疤痕隨時跟住我一世,我隻腳以後點見人啊!」

同日下午, Carol攜同醫生紙到美容中心,「我淨係想退錢(三千多元),唔敢再做(彩光)啦!」但中心總經理 CoCo看過其傷勢後,斬釘截鐵表示「你係皮膚乾燥,唔關彩光事」,更不認同醫生診斷,「醫生有醫生嘅專業,我哋有我哋嘅專業,我哋唔接受醫生嘅診斷」,拒絕退款賠償。

「唔敢着短裙 成日痛醒」

Carol向警方和消委會求助,「話我皮膚乾燥,又唔見我左腳有事?」本報記者曾親自到中心和致電查詢,惟至今仍未獲回覆。警方則表示正跟進事件,消委會已着手調查投訴。

消委會發言人指出,在本港使用彩光或激光等醫學美容儀器,毋須申領專業牌照,不過有關公司有責任培訓操作儀器人員,確保使用過程的安全。消委會由08年至今,共接獲84宗有關使用激光或彩光美容的投訴。

事隔近三星期, Carol右小腿的紅腫明顯減退,但仍可見許多條結焦的疤痕,小腿更不時又疼又癢,「唔敢着短裙,但着長褲又會整到傷口,瞓又瞓唔好,成日痛醒!」令她最氣憤的是就算知道已報警投訴,美容中心仍擺出一副愛理不理態度,「擺明蝦我小市民唔敢搞大件事,佢打開門做生意,咁落去遲早有其他受害人,我隨時準備同佢打官司」。

原文:https://hk.news.appledaily.com/local/daily/article/20110727/15468419

下一頁 »

Powered by WordPress. WPMU Theme pack by WPMU-DEV.