經典街頭小食雞蛋仔新鮮即叫即整,拎上手熱辣辣、每粒都漲卜卜、陣陣蛋香撲鼻、外脆內軟、唔會淨係得個殼、內裡仲好煙韌......以上可能係大家對雞蛋仔最基本既要求! 近年雞蛋仔已經越黎越多口味選擇,最近就試過一間幾特別既! Facebook : https://www.facebook.com/gluttonousmeow/ 如果有選擇困難症,唔洗驚喎一定會發作! 要邊隻味? 甜既? 咸既? 雙拼? 三拼? 咁拼邊三隻? 諗左成個字都係問番店員邊款最多人買,最後點左「人氣組合 - 紫薯拼南瓜」。 本身都想試蜜瓜,但未整好,唯有下次啦。 整起左既雞蛋仔都會即刻放係錫紙架上用風扇吹一陣,好香!! 雞蛋仔最基本既要求都有,最驚喜既係每粒雞蛋仔裡面都有南瓜肉同紫薯肉!!! 清甜既南瓜肉同蛋味好夾,粒粒瓜肉好實在;紫薯味較濃有點蓋過蛋味並未夠軟身,顏色則非常吸睛。兩者相比較欣賞南瓜味雞蛋仔! 最好食既雞蛋仔應該係點? 就梗係趁熱食啦! 為食貓都話真係好難揀,唔知捉邊個好...... 津津有味 地址:天水圍天湖路1號嘉湖新北江商場一期地下A95號舖 (地圖) ______________________________________________________________________________ 記住 LIKE【為食貓呼嚕嘆世界】Facebook,一齊染上「為食」癮 ! ______________________________________________________________________________ Copyright © 2016 為食貓呼嚕嘆世界. All rights reserved. | 版權所有,歡迎轉載並請列明出處,謝謝!