陳年美酒有如閱歷豐富的人背後藏有一個又一個令人津津樂道的故事,百聽不厭。有幸於「香港國際美酒展2016」記招細味當中的故事,更可一嚐世界特色佳釀,當中有亞洲限量版全球只有184瓶日本駒之岳單桶威士忌 (重泥煤味版),真係不枉此行! FB : https://www.facebook.com/gluttonousmeow/ IG : https://www.instagram.com/gluttonousmeow/ 點擊圖片放大 當中最吸引目光既有全球首創於 60 米深海底進行長達 18 個月發酵「海底熟成」既意大利汽泡酒 ABISSI Pas Dose。 由意大利釀酒師 Piero Lugano 研發,於 2010 年為尋找地方熟成汽泡酒而苦惱,其後受到一則古老沉船打撈出仍保持良好葡萄酒的新聞啟發,大膽地將 6,500 瓶汽泡酒存放於海底60米深進行長達 18個月的二次發酵。 由於海底沒有強光而且溫度穩定,環境可媲美最佳地下酒窖,令汽泡酒的酒體結構完美。入口的確有股咸咸礦物味道,而且白桃香甜味充斥口腔。 讓天馬行空想法付諸實行,實在勵志!當然首先你要有......啦! 由香港代理引入美國一開即飲鋁罐裝葡萄酒,是一位 35歲釀酒師 Andrew Jones 發明,打破葡萄酒一定要存放於玻璃酒瓶的傳統! 鋁罐裝葡萄酒實係在打破框框概念,其釀酒過程並無入桶,所以可省下醒酒的時間一開即飲。方便攜帶於戶外飲用,野餐出海都可隨時隨地享受葡萄美酒。其口感厚身葡萄味香濃。 黎到我最喜歡的一個充滿愛心故事 ❤ The Lucky Cat 出品人有日開門見到樽上呢隻流浪貓貓,於是影低佢仲收養了牠! 及後更將當日捕捉到貓貓有趣樣子一刻製成酒瓶上標貼,貓貓一夜間成了主角吖! 大家都諗緊第3隻被收養貓貓之後會唔會有機會做主角呢 ? 場內有多款琳瑯滿目美酒,試下試下,開始紅都面埋...... 點擊圖片放大 即場調製菠蘿雞尾酒、荔枝酒,兩款都好甜果味容易入口,好啱女仕飲用。 大會提供不同口味芝士、提子同礦泉水,夠貼心。 朱古力味百力支配威士忌。 電視經常見到五粮液,但我就試左呢款高達45%酒精百年瀘州老窖白酒,品牌擁有400多年歷史。我只係用舌尖輕輕碰一下,嘩! 已經感到好嗆喉! 不過凍飲都幾有味道,鍾意挑戰酒量一定要試!! 酒齡多達50年,每個酒瓶都係人手製造獨一無二。 點擊圖片放大 飲到差不多,終於有 Tonic water 試下,呢款值得推介! 粉色樽身好靚,而全港獨有肉桂味就更加吸引,味道香甜清新。再配埋Gin或 威士忌都唔錯架 !! 放大左既金莎造型甜酒。 每個顏色鮮艷手繪酒瓶都獨一無二架 ! 11月12日(六) 將開放予公眾,到時除左可於 32 個國家地區近 1,060 家參展商美酒展館 (冰窖、威士忌烈酒區、啤酒專區) 品嚐美酒之外, 更可以預先登記參加大型試酒會、品酒大師班、雞尾酒調配示範及香港大專葡萄挑戰賽等多項精采節目 ! 嗜酒朋友萬勿錯過啦 ! 睇到呢度係米心思思想入場呢?機會黎啦!! 我地將會免費送出入場門票 (每張港幣$200),憑票入場更可以$30換購 Lucaris 水晶杯一隻(價值港幣$110)。各位到時見喇 : ) 請按—>我要「香港國際美酒展2016」入場門票 其他美酒盛事 : 「第25屆馬哥孛羅德國啤酒節」 │ 「黃金海岸美食啤酒節」 ========================================================= 香港國際美酒展 2016 地址:香港會議展覽中心 (地圖) 日期:11月10-11日 18歲或上以業界人仕 │ 11月12日 18歲或以上公眾人仕 時間:10:30am – 7:30pm │10:30am – 6:00pm _____________________________________________________________________________ 記住LIKE【為食貓呼嚕嘆世界】Facebook 同 Instagram,一齊染上為食癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有,歡迎轉載並請列明出處,謝謝!