元朗日本餐廳以往大多以大件抵食為賣點,近年亦有幾間主打高質素壽司作招徠。兩者價錢相差甚遠,而前者可能未夠新鮮但後者太貴又令人卻步...... 路經教育路時發現有間唔太起眼壽司店,見到餐牌上價錢好吸引就入去試下,果然有驚喜!! Facebook : https://www.facebook.com/gluttonousmeow/ 自選4式刺丼 : $88 店內大概有30座位,唔算闊落。有壽司、刺身、沙律、串燒、鍋物等,當中壽司$4件起,相當抵食! 太多選擇啦,我地分左幾次去叫左以下幾款刺身丼同壽司。 雲丹丼 : $78 / 蔥吞拿魚腩飯 : $48 三文魚腩飯 : $48 幾款刺身丼賣相都好吸引! 加拿大海膽雖然無入口即溶既感覺,但都好鮮甜有海膽回甘味 ; 三文魚籽每粒都漲卜卜,好鮮無腥味而且唔太咸 ; 三文魚腩好肥美,入口充滿油香,正 ; 吞拿魚蓉打到起膠,連埋芝麻都好香口但略嫌份量不足 ; 帶子頗鮮甜而三文魚相對普通。 壽司賣相亦都好吸引! 大愛芝士味極濃既蟹籽壽司 !! 炸蝦壽司夠脆又夠熱,其他就不過不失。 其實仲有好多款未試 !食物質素高又抵食,已經有食完再食既衝動!! 為食貓知道有魚食,即刻放低口內既玩具...... 魚一壽司 地址:元朗教育路68號兆豐樓地下7號舖 (地圖) ______________________________________________________________________________ 記住 LIKE【為食貓呼嚕嘆世界】Facebook,一齊染上「為食」癮 ! ______________________________________________________________________________ Copyright © 2016 為食貓呼嚕嘆世界. All rights reserved. | 版權所有,歡迎轉載並請列明出處,謝謝!