lalala....今次要介紹的地方係 Provins !!! 不過大家唔好睇錯, 唔係Provence(普羅旺斯), 去到無薰衣草唔好鬧我啊!! 事緣常常聽到朋友來巴黎旅遊, 都抽1-2天去鄰近的Le Mont-Saint-Michel (聖米歇爾山) 其實都唔係好"鄰近".....因為搭火車都好幾小時 去完又投訴好人迫...又好多同胞!! 所以旅孩子有個好建議, 若然你想遠離一下巴黎市中心, 但時間又唔係太多 不妨考慮下Provins, 自駕一小時就到了!!! 可能大家聽到個名有點陌生, 因為事實上沒有看過旅遊書介紹這地方 但是她絕對是"巴黎人"周末的悠閒好去處 比起千篇一律的城堡更值得遊覽 由巴黎出法, 沿途風景已經令你感覺放鬆 縱然她沒有凡爾賽宮的奢華氣派 但在小鎮內, 你絕對體驗到舊法國的氣氛 環境比較古老傳統, 有城牆, 教堂,博物館....等等的歷史文物 在這裡有一份寧靜的感覺, 絕對係逃離都市繁囂 圖中的建築物為Caesar's Tower 只要付4.3歐元, 就可以登上塔頂層, 觀看整過被城牆包圍的小鎮 Caesar's Tower 的旁邊就是一座教堂, 是免費入內的參觀 但記得安靜點啊!! 走在街上會看見一個個不起眼的小門 若然不留神, 你將會錯過這裡的另一個特色 原因是為了保留歷史建築, 這裡的商店大多都是在地底的 一 下去就知道超大的 而且還有點陰風陣陣的....(說笑的, 一點也不陰森, 是清涼才對!!) 店舖種類不算少, 有傳統的蜂蜜店, 香料店, 手作飾物店,精品店 行到累, 就可以坐低吃個簡單下午茶, 餐牌跟咖啡弄的有幾分相似呢 雖然這裡沒有馬卡龍.... 但就可以一試真正的法蘭西多士 或者試下腸仔薯條, 都好好味的!!! 吃飽後可以走遠一點, 去城牆附近參觀 不過最驚喜的是在這裡你可以租一套傳統法國服裝四處遊覽拍照 若然覺得害羞, 可以選擇在店內拍照 有得玩, 我當然都有幫襯啦~ (網絡圖片) 小鎮不時會有一些特別節日, 如早前6月14-15日是LES MÉDIÉVALES DE PROVINS 即是全鎮所有人都會著古服,有騎馬的,有士兵的, 令你置身古代喔!! 至於剛剛的星期六, 就是蠟燭節!!! 入夜時份, 配著迴旋木馬, 就特別浪漫了 點上蠟燭的城塔為此鎮帶來不少神秘的氣氛!! 晚上, 還可以歎一餐米芝蓮才離開呢 68€ 就有一份set dinner 希望大家都喜歡我的介紹, 並多多支持 ❤️旅孩子歐遊記 fb.com/girl.travel.in.europe