請給我一個 like :) Thanks! My Facebook Lazy G.Lazy Place 距離上次去首爾,已經有8個月,真係好掛住韓國café。 最近起香港發現首間韓式特色咖啡店,身在香港嘅大家可以止止渴啦! 一入到café,第一個感覺 — 真係好弘大呀! 當然啦,因為裝修充滿韓味,亦都係由幾位韓國人開辦。 店入面環境都算寬闊,岩哂朋友聚會,吹吹水、休息下。 點擊圖片放大 Café 入面食品都係韓國弘大而家最流行嘅,炒年糕、餃子、意粉、薄餅、熱狗、沙律、雪糕、刨冰、咖啡、果汁、蛋糕等等,面我就order咗而家最hit 嘅魚形雪糕,由於係即叫即整,所以要等大約15分鐘。 不過,我可以話你知,等待係值得嘅,因為一見到魚魚真身,心情已經大好,再食埋佢,完全係令人開心嘅良藥。 最面係一層好滑嘅cream,下面係一層牛奶雪糕,魚魚入面就係紅豆同橙粒,紅豆入口都好香綿,至於個魚皮呢?Good喎!唔會因為放咗雪糕嘅關係而變得淋pat pat,而且都有淡淡蛋香。個人感想就係,唔洗起街企住食,搞到污漕漕! 加分! 另外,café嘅熱狗都好有韓味 — 佢係泡菜熱狗! 泡菜味到恰到好處,唔會太甜太辣太酸,原來將泡菜配熱狗,又match喎!而且仲好大隻tim! 食品暫時試咗2款,下次要再試埋其他先!呢間cafe,值得再嚟,真係令我好掛住弘大文化呀! Where to: 尖沙咀加連威老道29號信基商業中心2樓 請尊重原作,Lazy G.Lazy Place U Blog為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G.Lazy Place