都敏俊C,你起星星過得好嗎? 活起地球,真係好苦呀。 小G成日幻想自己唔屬於地球,因為地球真係好危險呀,如果可以去火星就好啦!哈哈…. 雖然都敏俊C熱潮已經退咗幾個月,但真係好想同大家分享一下我嘅外星旅程。 上個月出發首爾之際,咁岩知道起東大門設計廣場DDP有《來自星星的你特展》,作為一個小戲迷,當然好想睇下外星人屋企係點啦,所以,佢開展咗幾日就入場啦。 坐lift去搵都敏俊啦! 成個展覽可以重溫電視劇經典場景,都敏俊、千頌伊嘅屋企就當然係星迷必去景點,坐起都敏俊Sofa,幻想下自己同佢傾計….然後……哈哈! Okok……幻想係不設實際,講返個展,特展分成「偶然」、「相遇」、「心動」等9個主題,起入面可以欣賞到《來自星星的你》攝影棚佈景及道具,等大家回味一下。個人來講我好欣賞都敏俊書房,雖然係佈景,但感覺好真實,同埋展入面有一個3D電視,成個特效真係好靚、好立體。 都敏俊書房 都敏俊太空服 點擊圖片放大 《來自星星的你》特展成人門票係W15,000(約HK$115),大家買門票時記得去外國人COUNTER,只要填問卷就送一張有W3000嘅Cash Bee card,佢用法同T-MONEY差唔多,方便大家坐METRO、買嘢呀咁。(唔知而家送完未呢?) Cash Bee card 呢度有無星星迷呢?展期大約得返3星期(8月15日完),如果大家起呢段期間去首爾,都可以去參觀下,話唔定你都有外星奇緣呢! 《來自星星的你》特展 地址: 首爾市中區乙支路281 東大門設計廣場(DDP)藝術廳(Art Hall)1館 請尊重原作,Lazy G.Lazy Place U Blog為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place