香港最南的島嶼,你知唔知起邊?一直都聽聞蒲台島嘅銀河星空,今年終於嚟到一遊,好天氣之下慢行,美景盡入眼底! 請給我一個 like :) Thanks! My Facebook Lazy G. Lazy Place 蒲台島位處於香港最南端,所以又有「香港南極」之稱,除咗好多人去打卡呃like嘅126燈塔,仲有各種趣怪奇石及法定古蹟史前石刻,只要沿住山徑行一圈,整個路程都老少咸宜。 由赤柱卜公碼頭上船,船程約45分鐘,如果計畫到「香港南極」,時間方便就要做好準備,睇清楚船班時間,因為每日班次得好少,萬一錯過就…嗯,下次請早。 落船之後,可先到碼頭補給飲料,因為一上頂就唔再有補給,還好碼頭附近有小店、餐廳、酒家,醫肚之後就出發啦,記得要試試島上有名嘅紫菜,配埋公仔麵,原來又ok喎! 「香港南極」嘅水真係好清。 行無耐會見到路牌,你想行左定右呢?而我嘅登島目的,就係右邊嘅126燈塔,好gogogo! 沿路行會見到海岸邊嘅史前石刻,可惜漸漸被風化,刻紋變得唔太明顯。 沿路直行,就可以登上126燈塔。 「香港南極」最著名各種怪石,如 : 棺材石、佛手岩、響螺石 、靈龜上山、僧人石等,如果你鍾意千奇百趣嘅怪石,又有返少少想像力,蒲台島就好啱你。 僧人石 佛手岩 終於到126啦! 影相梗係指定動作啦。 天公造美,天空真係好藍呀! 除咗行山,仲有人釣魚。 去埋香港最南嘅南角咀,香港南極遊就完成啦! 抓緊好天氣,你都係時候出發啦! 請尊重原作,Lazy G.Lazy Place 為版權所有,轉載請先聯絡本人,轉截請刊明出處及本Blog 連結 請給我一個 like :) Thanks! My Facebook Lazy G. Lazy Place