秋風送爽,涼涼天氣真係好適合行山,再無借口懶懶行山掛? 又再一個Hea行山推介,行完仲可以直踩大澳玩個、食個夠! 請給我一個 like :) Thanks! My Facebook Lazy G. Lazy Place 虎山,一聽個名真係好有氣勢!明知山無虎 都要行一行。 虎山位處大澳水鄉之側,整段路唔長,但卻係欣賞美景、日落及遠眺大澳嘅好地方。難度仲要係BB班,啱哂一家大細、朋友、情侶。 Start – 東涌-大澳-虎山-大澳 到達大澳之後,行入村之後過橋,一直行去少林寺方向,起少林寺左邊有條小山路,一路直行,不到15分鐘就可到達虎山觀山亭,廣闊風景就起眼前。 少林寺左邊有條小山路 如果好彩,仲可以見到中華白海豚跳出水面,今次海豚就無啦,睇住幾條假海豚先。 遠眺大澳水鄉 好天的話,睇大澳「咸蛋王」係一流。可惜登山之日天有不測風雲,有雨又有雷,行完一個圈,之後又折返大澳行行食食lu。 如果你鍾意有返少少難度,呢篇可能幫你唔到,但其實虎山都有3星難度級嘅,你可以: 深屈道- 深屈灣-虎山-大澳 先起東涌坐1,2,11,23號巴士,起深屈道落車,依馬路往昂平的方向上走,見深屈道路口行去大澳,之後依照我之前路線行去虎山,再去大澳一遊。 好快又重陽,想去登高打下卡,又唔想太辛苦,行完又可以勁食的話,虎山真係好啱你! 老虎就無啦,貓貓就好多!送你一個冷冷閒的Pat XD 請尊重原作,Lazy G.Lazy Place U Blog為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place