山系,邊個一定話好有難度?超hea行山,你又試過未? 請給我一個 like :) Thanks! My Facebook Lazy G. Lazy Place 愈來愈討厭單純飲飲食食、行行買買,好似唔要滿足到自己,登下山、玩下水、反而令更開心更充實,呢d係唔係香港人多車多繁囂生活帶嚟嘅後遺症? 10月有2日紅假,又係時候去hea行啦! 山系女孩又出動,假期唔想咁辛苦攀山,但又想睇下靚景,龍脊就好啱我。 龍脊係位於香港島最東南部嘅山脊,高低起伏嘅山勢好似龍嘅背脊,因而得名。 沿途可以飽覽大浪灣及石澳,而且整個路段唔難行,無太多石級,難度我比1星,好適合初級行山者,即使平時好少做運動嘅女仔,都好易Handle。 < 知唔知呢度係邊 ans:石澳 <呢度又係邊 ans:石澳golf club 我嘅路線比較輕鬆,先由筲箕灣巴士總站搭乘 9 號巴士在土地灣站落車,之後就由土地灣(郊遊徑)->打爛埕頂山->龍脊,再沿路折返。由於沿途休息、影下相,來回大約3小時完成。 土地灣(郊遊徑)入口路牌 大約1小時到達打爛埕頂山(高284m),風景好靚,仲好大風 沿途好多人玩滑翔傘,搞到我忍唔住睇咗好耐,當佢地成功飛天,旁人都忍唔住歡呼。 想短短地、又hea hea地行下山,龍脊真係好good選擇,風景有幾靚,真係用文字都表達唔到。 上山沿途可以遠望石澳,大家認唔認到石澳藍色小橋呢? 呢度最吸引我係好多飛行狂熱者嚟呢度玩滑翔滑翔傘,比到我一個自由自在嘅舒服感覺。 山頂好大風,記得帶多件風褸啦! 如果天氣好,日落嘅view,真係一流呀。 呢個洞似唔似綠隧道入口呢? 請尊重原作,Lazy G.Lazy Place U Blog為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place