雖然仲有一個月先到Halloween，但我有幸率先勇闖海洋公園哈佬喂鬼地，邊玩邊喊驚！ 請給我一個 like :) Thanks! My Facebook Lazy G.Lazy Place 對比起上年，我覺得今年海洋公園哈佬喂全日祭好有驚喜，點解？ 一張飛全日任玩 演員們好賣力，絕對唔似上年咁Hea 無論係造型同嘩鬼陣容猶勝上年 今年有7間鬼屋，比上年多2間 鬼屋佈置用心，有2間鬼屋仲起5pm前及後各有主題，「日間開心」、「夜晚驚心」2種同體驗 鬼屋有分1-5級驚嚇指數(愈高指數愈刺激)，大家悉隨尊便 新加入極限級H14瘋人院，玩之前要做一個詳列驚恐過敏紀錄，選項包括「蟲、血、內臟、頭髮、觸電、幽閉恐懼」等，比OP為你訂造驚嚇體驗(大家要留意，玩呢個鬼屋係需要上網預約) 由於哈佬喂仲未正式開放比大眾，所以排隊時間唔多，15分鐘內就可以玩啦！ 講下今年鬼屋: H14(驚嚇指數:6極限級) 中式恐怖嘅「萬壽終醫館」(驚嚇指數:5) 以本地恐怖電影《殭屍》為藍本嘅鬼屋「殭屍LIVE」(驚嚇指數:5) 可供參加者自拍驚悚表情嘅「奧屍卡製片廠」5pm後(驚嚇指數:4) 、「星魅片廠」5pm前(驚嚇指數:1) 森林慌塚5pm後(驚嚇指數:4)、神話森林5pm前(驚嚇指數:1) 以江戶時代日本庭園為背景嘅「東瀛魔界遊」驚嚇指數:1) 多啦A夢為主題嘅哈囉喂派對 (驚嚇指數:1) 玩完咁多個鬼屋，我就最鍾意「殭屍LIVE」同「奧屍卡製片廠」(我怕活蟲，所以唔敢玩H14，因為都幾嘔心)，我自己就覺得「殭屍LIVE」佈置真係幾好，起咁多個鬼屋入面呢個最有Feel。 而同一個地方嘅「奧屍卡製片廠」/「星魅片廠」就最有趣，玩完「星魅片廠」(5pm前)可以透過QR Code download一段自己係主角嘅短片，而5pm後嘅「奧屍卡製片廠」，玩完就可以起exit睇返自己起入面玩梗嘅情況，大家玩完記得唔好錯過，準備用手影拍返你嘅片段啦！(同場仲有自拍器租用，玩完可以拎返自己驚嚇過程) 留意出口位啦! 玩「東瀛魔界遊」大家準備好相機，入到去可以同大把鬼影相架。 點擊圖片放大 玩足大半日，今年嘅哈佬喂好值得推介。介紹住咁多先，留返D新鮮感比大家啦！ 點擊圖片放大 +2 萬壽終醫館有一小段要分開男女行，大家注意啦!如果得自己一個，就要向前後求救啦!由於同行得我一個女仔，於是我就向前面唔識的女仔求救，佢好好人地拖住我玩! 除咗鬼屋，仲有Show睇 同場有Halloween食品 小插曲：你估下玩鬼屋最怕係咩? 竟然係玩「森林慌塚」周「東瀛魔界遊」時，突然有著黑Tee工作人員(唔係鬼)迎面出入，都幾爆笑。我地對望而笑，工作人員A仲話：「最恐怖唔係撞鬼，而係見到工作人員呀!」 如果OP 注意一下呢點就仲好啦！ 請尊重原作，Lazy G.Lazy Place 為版權所有，轉載請先聯絡本人，轉截請刊明出處及本Blog 連結 請給我一個 like :) Thanks! My Facebook Lazy G.Lazy Place
