香港嘅生活,有無令你喘不過氣? 起適當時間去一趟旅行,對我嚟講真係好重要,唔單止心靈滿足,亦都好好為身心reset,消除所有負能量。 請給我一個 like :) Thanks! My Facebook Lazy G. Lazy Place 小G比較貪心,6月去首爾除咗食同Shopping之外,都想抽一日呼吸大自然空氣,Refresh一下,所以我就加咗一日重點行程 — 南怡島。原本我唔係一個K-POP之人,去之前唔認識呢個地方,亦唔知道韓劇「冬季戀歌」起呢度取景拍攝。但某日見到友人Facebook嘅一張南怡島風景相,就比佢吸引住,好想好想去啦! 友人張南怡島吸引我嘅原因,就係島上綠油油之餘仲有紅、黃、橙、啡樹葉,加上藍天,成個構圖真係好吸引! 決定咗去南怡島,最重要就係搵交通方法: 公車 東首爾客運站(每15分鐘發車, 車資 5,600韓元), 上鳳客運站(每30分鐘發車, 車資5,100韓元)搭乘開往春川的巴士,在加平客運站下車(約需1小時20分鐘),再搭乘計程車或市內公車前往加平渡船口(約需10分鐘) 火車 在清涼里站搭乘開往春川方向的火車在加平站下車(1天20班次運行, 車資 3,800韓元)約需1小時20分鐘→ 再搭乘計程車或市內公車前往加平渡船口(約需10分鐘) 接駁車 在仁寺洞的塔谷公園搭乘開往加平渡船口的直達接駁車,約需1小時40分鐘(首爾出發9:30, 車資7,500韓元) 預約諮詢:+82-2-753-1245(韓日) 資料轉自http://big5chinese.visitkorea.or.kr/cht/index.kto 思前想後,以下係2個我比較可行的方法 1.由仁寺洞坐遊覽專車 2.地鐵 由於仁寺洞遊覽專車每日早上得一班,如果MISS左就煩,另外即日買票可能會無票,所以我就決定用時間可以自己話事嘅方法 — 地鐵。 我由弘大出發,路程約2小時,詳情如下圖: 去到上鳳就要轉京春線去加平 坐地鐵去到加平之後就要坐的士(車費約W3000/HK$25),上車同司機講Nami,佢地就會明白,車程約10mins。 落車之後,就先要去買門票,記得買外國人門票(成人W8000/HK$62),門票係包括來回船及入場。 船程約5mins,吹下海風,好快就到啦! 比大家睇下我影嘅相先,希望你都鍾意南怡島嘅風景。 南怡島有好多雪人icon 香港&南韓 最愛呢條路,四季風景都唔同 夏天都有紅葉,真係好靚 bear bear在啤你 南怡島雖然唔係好大,但係我玩得好開心,成個行程真係好難忘同surprise! 因為…… 我遇到了牠和牠! 就係同我散步嘅孔雀、同我玩捉迷藏嘅松鼠,我諗呢世人真係無咩呢d機會,真係好開心又興奮呀! 我行左佢行右、我行右佢行左、超過癮 點擊圖片放大 +2 如果你怕小動物….. 咁……. 就真係幫你唔到,因為郊野有「大」蜜蜂、蚊、蟲、蟻、蝴蝶….. 真係好正常!佢地係屬於大自然架嘛,只不過係比我地呢D人類打搞到咋。 去南怡島遊樂,你需要放心城市人心態,放慢腳步,盡情享受呢一片美好土地。 南怡島有咩玩? 如果你鍾意踏單車同野餐就岩啦!島上有單車租,咁就唔怕行到腳痛啦,好適合拍拖同一家大細去玩。 唔想野餐?島上面有幾間餐廳,比大家自在咁休息下,我就去左南門食韓國料理 素菜拌飯 嫩雞飯 整體味道唔錯,嫩雞真係好滑,餐廳都坐得好舒服 回程在船上睇日落 南怡島四季風景各有吸引一面,好希望有機會再去南怡島,親身感受! 大家不妨抽時間去玩呀,除咗shoppin之外,我反而鍾意欣賞大自然,因為你永遠唔知道自己會遇到咩,就好似我一樣,拍到同孔雀散步、同松鼠玩捉迷藏嘅片,真係好suprise、呢一d物質絕對比唔上! 希望大家同我一樣,可以起呢度遇見你嘅驚喜啦! 請尊重原作,Lazy G.Lazy Place U Blog為版權所有,轉載請先聯絡本人,轉截請刊明出處及本Blog 連結。 請給我一個 like :) Thanks! My Facebook Lazy G. Lazy Place