黎到大阪嘅第一件是當然係要還車啦,係大阪開車簡直係同自己過唔去,泊車難,塞車嘅程度可以連行路都仲比較快哩... 還左車之後,仲未夠鐘check-in,唯有放低行李係酒店先啦 一去到大阪,選擇困難又來了..食乜好食乜好!!!!?成條街都係食市.... 兩日留係大阪,今日就會晌難波/道頓堀一帶出巡!!!! 繁華的大阪,成條街都係人,我點解會有啲漫無目的架.... 係一片人海同七彩顏色的招牌下,好難搵到心水.....不過,有人之前成日係我耳邊講河豚好鮮甜,以前食過好想食番....好啦好啦,完你個心願... (其實,我都心思思想試...) 要河豚有河豚呀,好神奇! 你睇有幾大隻河豚係上面飄來飄去...哈!!! 唔理lu,衝左入去,我要食飽飽! 原來入面好大㗎,有兩層,被安頓在上層! 都好闊落...不過裝潢就平民一點.. 主打河豚的話,一定要食河豚!!!!! 我的河豚初體驗,係膽小的...哈哈...其實我係叫左個壽喜燒(3900円) 但係,我地都有叫左上面的河豚餐,不過share來食,減低風險..哈哈!何況,我是無肉不歡的!! 不過呢間有啲唔好處,係容許室內吸煙的,慣左香港室內禁煙,突然好唔慣,不過佢地都唔會向人噴煙,不幸中的大幸! 河豚餐,用來放入火鍋的! 一盤河豚刺身上檯了!!!! 透明架喎! 呢個角度,好似食緊國王的河豚咁...睇唔到... 味道...點講呢,我自己覺得好難咬...味道我覺得冇乜特別...可能我唔識食...某程度,我唔想再食..哈哈!(利申:討厭吃魚) 好彩,好彩.... 我呢個壽喜燒最正! 係個鍋先上,服務員在鍋內倒了醬油,然後一層層的舖上食材~ 真係舖得好似window display 一樣咁靚~ 一望到啲牛既靚紋就知係好野喇! 果然,冇令我失望,好快我就KO晒成個鍋,正想打飽膈之際... 服務員又來了,幫我地的河豚鍋掀起一個戲肉... 她把蛋和飯倒在河豚鍋中,慢慢攪和,好香,不消一會,食得! 真係好香...同埋呢個河豚湯飯,好甜好甜! 食過最好的.... 因為太好食,番到香港就忍唔住用蟹湯加蛋再來撈飯!真係sugoi ne! 飯後果,來一客柚子,愛愛,不再是雪葩~ 食飽飽,要放血!!!~~~~~~~~~~~~~~~今日去難波/道頓堀第一站去....恐怖BIC CAMERA 各位,如果真係想買到正野,一定要係香港做定功課...格價好重要呀~ 各位喜歡去日本的朋友,真心真係要出張銀聯卡! 好多地方用銀聯有discount 架!用銀聯卡仲要唔使手續費..OMG!!!! 偷偷告訴大家,好多人係BIC CAMERA買飯煲呀!!!!! (你懂的!) 跟住去左高島屋(Takashimaya),再0101啦!! 不過,謹記,一定要去帶passport去concierge拿Coupon或者特定給遊客的優惠...但係每間百貨公司都要消費到某個價位先可以退8%既稅架! 還有好多藥妝店都有得退稅架! 第一天,藥妝戰利品!!!! 係日本買covermark好抵,差不多HKD600買到兩樽草本漢方修護粉底霜,係香港淨係可以買一樽咋用同一個價錢! 不過,你看全部都要包膠用來過海關,不過係可以放入喼,因為唔可以帶液體過關,會比充公的,所以唔好傻傻地手提上機了!!!過關會有特定的關員收回單據~ 藥房: 救心(disclaimer:幫人買),睫毛膠水,染眉膏,撒隆巴斯,眉粉,痱滋貼等都係我既心水推介,買多幾盒會慳多d,成年都唔使去莎莎~