我肯定, 90%來開恩茲既人, 都係衝著大堡礁而來 包括我, 即使我從未潛過水… 大堡礁(Great Barrier Reef)係世界最大最長的珊瑚礁群, 位於澳洲東 北海岸,從大陸小鎮道格拉斯港(Port Douglas)向南延伸至邦德伯格(Bundaberg) * 大堡礁海岸線綿延2300公里, 面積將近35萬平方公里. 大小相當於一個日本 * 大堡礁係地球上最大的自然生態, 是唯一可以在月球上被觀測 的到的生態系統 * 大堡礁是眾多海洋生物的家園, 包括: - 超過30種的鯨魚和海豚 - 1625種魚類 - 411種石珊瑚和超過150種軟珊瑚(相當於世界軟珊瑚總量的10%) - 多達3000種的軟體動物 - 世界上7種海龜中的6種 - 超過120歲的巨蚌 - 上百萬種海鳥 去大堡礁潛水, 其實唔難 ...你只需要報名 船公司有很多間, 價位不同&配套不一樣, 全看你個人喜好. 務必多比較才決定 e.g. 1) 船隻大小 (大的比較不晃, 不易‘劏’) 2) 潛點不同 (大致上分內堡礁&外堡礁, 當然外堡礁(距離海岸較遠的珊瑚礁群)較吸引) 3) 有否平台 (海上浮台, 較平穩) 4) Style不同 (有d “backpacker feel”既; 有d一日走幾個reef既; 有d有潛水牌會幾抵玩既; 有d到此一遊feel既, 專接旅行團既…小心中伏) 好似好複雜… 咁啦, 你簡: a) 島嶼 b) 有平台 c) 冇平台 a)而擇去島嶼呢, 多數都係綠島(Green Island) 和費茲萊島(Fitzroy Island), 而呢兩個島都屬於內堡礁 如果你唔係對島/沙灘有特別情意既, 咁去外堡礁吧啦. 因為島既海岸有浪打岸邊揚起細砂, 海水能見度冇外面咁好 b)而有平台既公司, 多數都係大船(先afford到run一個海上浮台), 費用較高 基本上所有出海tour廣告那個價格包無限浮潛, 而潛水(scuba diving)則逐次加錢. 即使從未潛過水也可參與introductory dives, 有教練先教簡單技巧, 然後1拖1-4咁帶你潛入10m海底 我分別去左一次A:[有平台,大船] (19/9, 圖下) 同一次B:[冇平台,中細船] (20/9, 圖上), 各另加一次introductory dive. 真係各有各好, 都係好好玩 好!出發 8點船, 7點多就到碼頭準備. A果次係間大公司, 好似搭飛機咁, 先要去reef terminal去counter check-in, 交reef tax, 攞貼紙等. 而B個次直接去碼頭搵船上船. 唔係風雨季, 一路風平浪靜, 波平如鏡. 仲2次都見到海豚tim! 撞啱季節仲會見到鯨魚架 途中教練集合要深潛的人, 分組同講解注意事項. 好多船都有亞洲人教練, 很大機會可選普通話/廣東話講解. 但其實很簡易, 英文也可. 加上肢體語言, 一定明白安全事項和如何做動作 到達目的地, jump!!! 嗚呀 碧藍的海水, 湛藍的天空 澄澈透亮的海水裏面盡是美麗的珊瑚~美麗的蘇眉~美麗的大魚細魚(詞窮) 平時係電視見到既海底世界, 而家就活現眼前 [hi~Nemo~] nemo仔一d都唔難搵! 仲有佢d friend, 好似當左我地都係魚一樣, 唔會老遠避開 浮潛左一陣就回去點名準備水肺潛水 穿上裝備後都差不多行唔郁…超重 實習一下剛才教的技巧, 確定OK後便出發了 船A那次有一個女仔practice時退出了 第一次潛水感覺神奇, 好似去左第2個世界咁 海底寧靜得很, 只有聽到自己呼吸 近距離看珊瑚, 船B那次更見到白鰭鯊呢 跪在海床向上看, 畫面非常特別 30分鐘很快結束. 而我都開始覺得凍啦… Buffet lunch! 船A是明顯好吃得多, 選擇也多, 令我一盤接一盤的邊曬邊吃 期間jef獲免費乘坐直昇機! 在空中鳥瞰大堡礁珊瑚島~好葡萄 船A設有直昇機平台, 玻璃底遊船等. 而船B則在午餐期間移動到第2個reef, 不同潛點就有更多變化 下午再下水不停拍照, 還懶惰的用了浮條 回程也是風平浪靜, 不過聽說天氣差時船上8成人都在吐… 月光光 回到碼頭, 我地隨即騎單車去woolworths入貨 因為船A果晚係中秋正日, 和share house之友去海邊aussie bbq + 賞月 (skip左d內容, 我住左5晚hostel後搬往share house住, 又抵又好住) 開恩茲海邊有大量呢種一撳就燒得既爐, 超正呀! (係其他地方如mission beach, palm cove都有見到) 只要去超市入貨, 行來海邊即刻有得燒 爐都唔使起呀! 爐邊仲附有飲用水tap, 唔似香港咁要去廁所洗菇 要豪既可以買貴價食材, 什至d鬼佬會釣左條斑就攞去bbq左佢... 同時亦係窮人恩物...旁邊2個德國backpacker就咁燒烤完一大pack腸夾個包就搞掂一餐 係低空氣&光污染既澳洲, 我見到久違了既月亮 唔怪得外國月亮特別圓啦(!?) 嫦娥都見到啦 用dc仔都影到超清月亮, 雖然upload相質素比原圖下跌30% 日本人第一次玩燈籠已經領略到精髓, 就係3秒後成個燈籠會燒著 烘~~~ 很愉快的2天出海行程 想考返個証書 tim... ps1. 個人推薦行程: 如果有幾日時間, 會游泳, 英語能溝通, 不妨到Cairns留多幾天報padi 潛水課程, 考個open water回香港 費用不比香港貴得多, 重點是...我在大堡礁學潛水耶! (霸氣) 詳情遲點再寫 ps2. 搭飛機&深潛需相隔24小時! 緊記! ps3.邊度upload相好, 穩定唔死link?