當我同人講: [我下個月去澳洲呀yeah! yeah!! yeah!!!] 反應多數係: [去Melbourne?] [去悉尼?] 我: [去Cairns呀我] 友: [即係邊度?] 我: [澳洲右上角, 呢, 即係大堡礁個度] 友: [or~~中文係咩?] 我: [er…開恩茲..凱恩斯..肯因茲..] 友: [做咩唔去Tasmania呀?] 我: [……] 係呢, 咁Cairns係邊既呢? 有咩玩既呢? 點解去呢度呢? 去完Cairns去邊呢? 做乜咁得閒去成個月呢? 介紹下Cairns先 開恩茲(Cairns)位於昆士蘭省北部, 只有2/5個香港大, 人口約 13 萬. 開恩茲最著名是世界七大奇景之一的大堡礁, 沿東北岸伸延2000公里, 係全球最大的珊瑚礁和島群 到開恩茲遊覽的外國遊客數目係全國第2 ! (第1位為悉尼). 旅遊勝地多又近, 搭船往大堡礁只需 1.5 小時. 另外有名的自然特景就係熱帶雨林區, 如戴茵森林國家公園和考驗角國家公園 除了大自然景觀之外, 大量Adventure Tours可參加! 如14000英尺高空跳傘, 激流泛舟, 騎馬, 笨豬跳, 滑翔翼, 坐熱氣球, 出河/海釣魚, 搭直升機/水上飛機, 拖曳傘, 叢林滑索(Jungle surfing)等 即使唔join tour, 市內也有很多活動. 如沿海邊散步, 踏單車, 睇雀(超多), 去賭場(拖鞋短褲也可入場), 在lagoon人造海灘曬太陽游泳昅女, 逛market (如3天營業的Rusty’s market, night market, weekend market), 釣魚, 行植物園/動物園, 或超市入貨後到海邊bbq(免費)… Cairns屬溫暖的熱帶氣候, 即使係澳洲的冬天(7, 8月) 在北部的開恩茲都唔凍, 出海都冇問題! 若果只當Cairns作遊大堡礁既落腳點, 匆匆遊三數天便太可惜了. 感覺上香港人對開恩茲唔及其他城市咁熟悉. 不妨多留幾日, 包你唔捨得走! 咁究竟係開恩茲, 凱恩斯定肯因茲呢? 其實我到而家都唔知, 知道不妨講我聽 偉大既wiki用凱恩斯, google map話肯因茲, 而uTravel叫開恩茲… 好啦我地跟uTravel! 點解柬Cairns做澳洲之旅既第一站呢? 1. 我想睇動物, 特別要搵野生kookaburra(笑翠鳥) 2. 我要玩skydive 3. 我怕凍 (9月Cairns最高溫度28; 墨爾本17, 最低8度) 4. 想離開下大城市 就係咁, 我呢個34天澳洲之旅有14天都係開恩茲渡過 行程介紹 由於出發既時候我係冇點plan行程, 所以係寫第一篇blog既時候冇辦法介紹. 直到出發左去澳洲, 都只係firm左: 去cairns機票, cairns去brisbane機票, brisbane返香港機票; 同埋頭5晚cairns hostel. 咁隨心既旅行令自由度大大提高, 幾時都改變心意都得 去澳洲, 就好似去長州一樣, 其實唔難... Day 1 – 11: Cairns Day 12 – 15: Mission beach Day 16 – 19: Cairns Day 20: Hervey Bay Day 21 – 23: Fraser Island Day 24 – 25: Noosa Day 26 – 29: Gold coast Day 30 – 33: Brisbane 自我介紹 今次去得成呢個精彩澳洲之旅, 係因為Jetstar! 有幸成為捷星航空「世界遊王.挑戰賽」“Take On The World” 5個贏家之一! Woo~唔止有免費機票, 仲有旅費住宿費sponsor…爽呀!!! 咁開心返到來當然要寫遊記同大家分享. 本來勝出者可以帶多一個朋友(sponsor), 但我提出用多一個內陸機票quota代替 “點解咁傻呀你?!” 因為我極喜歡一個人去旅行, 同埋…點搵人請成個月假同我出發呀… 一個人去旅行既爽, 未試過係唔會明架…直到現在, 一條友去過日本, 西班牙, 英國, 上海, 澳洲, 秘魯. 好似去過唔少地方, 但係budget travel花費唔算多. 去旅行我以安全為主, 只要衡量過risk唔大, 可以慳既位好多. 簡單來說如住hostel, coach surfing, helpX, 訓機場都試過; 自己煮幾餐, 出外靠朋友(&朋友既朋友, &新識既朋友), 同埋一堆唔可以咁揚地講既暗黑慳錢位 etc. 除左大量既小方法外, 當然唔少得從機票著手啦 唔好放過各大航空公司promotion ticket; 同埋向budget airline埋手, 通常都可以買得好價錢. 另外, 我仲會捕住航空公司舉辦既比賽, 只要唔係鬥多[Like]個種我都會試下. 去年贏左國泰二張機票去韓國; 今年再下一城Jetstar帶我去澳洲啦!! 呢個係一個好大既誘因去出走一下, 所以向公司請左約2個月no pay leave…咁啱讀左2年(所以好窮)既pt master又到左尾聲, 要去趟最後的grad trip賀賀先得! Btw, 去完澳洲後好即興咁獨闖秘魯15天! 走進天空之城馬丘比丘, 也走入亞馬遜熱帶雨林! 只會一句西班牙話"Hola"亦成功走訪印加古城& 在亞馬遜尋找野生金剛鸚鵡. 從此愛上南美洲! 遊記保證精彩 (如果我得閒寫)