好耐冇食炸雞,就約埋男朋友陪我去草脂肪抵抗寒冬:P 鐵板軟芝士甜辣脆雞 + 香桃米酒 $268 原本想點焗雞,但見到呢個Set仲抵食,就叫左一個喇~~ 芝士萬歲~~芝士脆雞一定要趁熱食,咁先會捲得起啲芝士!!! 炸雞十分惹味,外層脆卜卜,味道甜中帶點辣,雞肉既質感嫩滑,冇骨關係,食起黎啖啖肉都好方便,不過芝士就好快凍~~ 香桃米酒酒味淡,帶桃香,好岩我口味,特別係食熱氣野食時,飲少少酒精就一流~ 韓式雞蛋卷 $148 雞蛋卷顏色鮮豔,雞蛋外層幾層~ 幾有蛋香,入面有酸酸地既黃瓜、爽脆既青瓜同蘿蔔、餐肉、蟹柳,味道豐富帶口感~ 如果面頭有唧上茄汁就好喇,不過佢另外一小碟醬汁可以點~~雞蛋卷既價錢差唔多可以點到一碟雞,點炸雞就抵食啲,但我就中意食雞蛋~ 餐廳資料: Goobne Chicken 地址:銅鑼灣登龍街18號V Point 25樓 __________________________________________想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet