知道伯爵茶千層蛋糕做到31/10就停售,早兩星期前就同男朋友一同去試試。係假日既下午,我地等左差不多一個鐘,未知平時係咪都係咁多人,定係因為伯爵茶千層蛋糕既威力呢?幸好我地入座時仲有伯爵茶味:)!!! Cake set $298 可以揀2件千層蛋糕,2件其他口味蛋糕,同2杯飲品,價錢還可接受吧! 4件蛋糕同用小方盤上桌,仲有D水果可以食。 先介紹伯爵茶千層蛋糕吧! 第一次食伯爵茶味,很喜歡呢,可惜淨係做到10/31號,每一層皮都做到好薄,超過20層吧,cream細膩軟滑,充斥著伯爵茶香~~價錢貴,但真係一分錢一分貨~ 抹茶千層蛋糕,同樣地很出色,香氣十足,抹茶味香但不會帶有苦澀味,每層cream都會有抹茶味,但我最中意都係伯爵茶味呢。 法式香蕉千層酥,香甜香蕉同海綿蛋糕既口感互相交替,突出香蕉既味道,可惜是酥皮既質感已變腍>< 栗子蛋糕,食到最後一件真係好飽濟>< 而且栗子不是我喜好,只有淺嚐一下,但栗子蓉很幼滑~ Rose tea latte Latte 佈滿玫瑰花瓣,質地綿密,奶味重,仲有絲絲既玫瑰花香,又唔會太假,我很喜歡❤️ Green tea latte 抹味茶同奶味配合得宜,男朋友好中意飲呢~~ 整體黎講,2個人食4件蛋糕,食完真係會好濟,差啲想放棄,都係少食多滋味,下次再食,我會單叫就算:P 餐牌 點擊圖片放大 餐廳資料:Lady M 地址:銅鑼灣Fashion Walk加寧街1-3號地下C舖 __________________________________________想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet