同老友相約係尖沙咀食飯,我地就揀左係海港城食韓國餐,最估唔到係我地坐既位置竟然可以望到維多利亞港景色,雖然唔係坐貼住窗邊既位置,但景觀都幾好呀~~而且食物唔算貴,同朋友都食得好開心!:) 紅梅4度冷麵 $98 冷麵有3款可以揀,我地就揀左韓式辣豬肉!另有岩素食者食既素菜冷麵~ 冷麵用乾冰呈上,所以一上桌就仙氣彌漫,即刻感到透心涼~ 倒上柚子汁,再加自己喜歡既配料,配料有泡菜、水梨、青瓜同糖心蛋,仲可以加好多紫菜。 我覺得整個冷麵既份量唔算多,但食起上黎非常清新,而且清甜既水梨亦都豐富左口感~ 韓式松子仁吞拿魚飯卷 $88 大約有10件左右,飯卷口感唔鬆散,飯粒調味亦都好足夠! 酥炸芝士魷魚筒 $68 魷魚筒一共有4件,覺得小貴呢,但就炸得香口! 但口感比我相像中有差距,首先一放耐左少少,芝士就好容易結埋一舊,而且因為魷魚比較有咬口,食起上黎就變左魷魚還魷魚,芝士還芝士~~ 青檸牛油果麻藥炸雞 $138 炸雞份量有好多,有10件細細件炸雞左右,我地好似食極都食唔完咁,比較岩一大班食~~炸雞好嫩滑,淨係食到一件比較鞋口。 青檸味比牛油果味特出,醬汁好開胃同惹味,令人好想繼續食~ 所謂既麻藥,其實係指甜甜既芝士粉,雖然芝士味唔算太濃,但就豐富左味蕾既滋味! 水果覆盆子紅醋 $128 紅醋味道帶酸,但唔會太嗆喉,尤其好岩食炸雞時點呢個飲,消濟解膩! 望到靚靚既海景呀!! 餐牌 點擊圖片放大 +9 餐廳資料:The Joomak地址:尖沙咀廣東道17號海港城海運大廈3樓LCX 34號舖 __________________________________________想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet