以前同同事黎食過lunch,今次再同朋友黎食晚飯,原來佢地放晚有半自助晚餐,有任食沙律吧、餐湯、任食甜品同飲品,價錢就以主菜的價錢計算~~ 先有餐湯和餐包,味道不過不失吧!因為我比佢出面既野食所吸引~~ :P 沙律吧位置近門口,野食就一眼就差唔多望晒喇~ 沙律吧分別有青口、巴馬火腿、煙鴨胸,煙三文魚等,未食主菜已經飽左一半:P 煙三文魚同火腿既咸香,為前菜生色不少~ 旁邊有得食沙律菜,配料都幾多選擇! 螺肉同大蝦都用碗仔盛住,同朋友食左好幾個呢~ 仲有D泰式沙律、開胃通粉等,呢幾個就冇試喇:) 主菜方面就揀左 帶子及大啡菇配野菌意大利飯 $188 大啡菇比我想像大,而且仲好juicy!!帶子都係大大粒,配埋帶咬口既意大利飯,不錯呢! 黎個大近鏡~~ 如果意大利飯入面有多D野菌就好:P 朋友就點了 香烤日本豬鞍架配焦糖蘋果醬 $268 想當吸睛既豬鞍架,啖啖肉之餘兼肉味濃,豬鞍唔鞋口,配埋焦糖蘋果醬就更惹味。雖然比我既意大利飯貴,但感覺幾值得:P 食完主菜就甜品喇,甜品都幾多選擇下呀。 有蛋糕、布甸、啫喱、慕絲、cheese cake、馬卡龍及水果等!! 馬卡齜甜度不高,外脆內軟!!! 慕絲oreo好香,岩岩拎出黎個時食就硬D,但整體都係偏軟身,但味道都係好吸引! 芒果布甸都唔錯呢! 食多幾件水果作完結,西瓜都好甜~ 最後想介紹呢杯飲品Zen (+$28) 係牛油果沙果黎架,雖有牛油果香,但我覺得蜜糖味比較特出呀~~ :P 餐廳用左Camping作賣點,其實都幾特別呀! 餐牌 餐廳資料:野玩山店 地址:灣仔軒尼詩道288號英皇集團中心1樓101-104號舖 __________________________________________想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet