平時淨係會係黃竹坑熟食市場搵食,但原來近運動場呢邊都有唔錯既西餐食~搵餐廳時,沿路都見到唔同既塗鴉牆,食完就順便係樓下既塗鴉牆影相! 食左lunch關係,仲係飽飽地,淨係叫左幾樣野食share :) 酥炸魷魚圈 $48 魷魚圈炸到好香脆,索索聲,粉漿同魷魚圈唔會炸到分離,而且唔油膩,點埋沙律醬 ,搞到我食左好多舊~ 焦糖奶油雪糕泡芙 $48 最驚喜係佢既焦糖奶油雪糕 !香滑細膩,creamy且甜度適中,對於中意食雪糕既我,非常想encore佢既雪糕呀~泡芙微脆,但食起上黎其實有D唔方便,成個拎上手食就太大個,用刀切開又會整到散晒,好矛盾呀>_< 窩夫配焦糖餅乾雪糕及香蕉合桃 $68 窩夫一共有3塊,帶少少蛋香,但略嫌窩夫整到有D燶呀~香蕉微微燒過,變得更好食!雪糕就覺得焦糖奶油味好食D,但呢隻味都唔差!而且擺碟都好用心思。 雪糕為呢碟甜品加左唔少分~ 熱情果愛玉梳打 $18,紫貝天葵檸檬愛玉梳打 $18 愛玉比想像中多,清新得黎又好有口感!夏天用黎解渴不錯呢! 餐牌 點擊圖片放大 +4 食完野我地就係地下搵唔同既塗鴉牆影相喇,平時成日搭車番屋企都會經過見到唔同既塗鴉牆,都會心思思想去影~ 如果咁岩去海洋公園、黃竹坑運動場就可以順道去影下。 (大風得濟,要遮一遮><) 呢2幅牆都近黃竹坑足球場~ 呢幅就係地鐵站附近,仲有其他塗鴉牆遍佈係工業區附近~有興趣就去發掘一下啦,不過影相時要注意安全,畢竟係工業區,比較多車呀~~ 餐廳資料:Chopsticks Fork n Knife 地址:黃竹坑香葉道2號One Island South 1樓110舖 __________________________________________ 想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.com Facebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet