我覺得紅磡、黃埔一帶都幾多野食,成都好想試下時新快餐店,奈何每一次都同佢擦身而過。今次終於特登空肚黎食佢既漢堡包喇! 雙層漢堡芝士蛋包 ($24) 漢堡包唔算十分出色,但就係充滿港式風味 既一款漢堡包。麵包用左嘉頓漢堡包,微微烘脆,而中間既肉可以揀牛肉/豬肉,即叫即煎,小小juicy不過就好油,夾雜著芝士同蛋,而且配埋秘制既沙津醬 ,成個漢堡包真係幾惹味架! 漢堡扒唔算超大塊,但沙律醬令到呢個包變得更好味! 呢個漢堡包既size對於一個男仔黎講,可能有D細,最後朋友要食2個先飽,所以叫多左一個包~ 魚扒包 ($21) 呢個包賣相就相對失色好多~ 魚扒即係龍脷柳,兩邊都煎過,再加惹味既沙律醬,但始終口感冇雙層漢堡芝士蛋包咁吸引!~ 我地仲叫左2款小食。 炸薯條 ($18) 滷水雞翼 ($19/2) 雞翼幾好食,唔算超過入口,但雞肉就好嫩滑~~ 餐牌 睇新聞話紅磡黎緊2,3年會重建,餐廳要搬遷,搵日經過要同朋友再去食呢個漢堡包呀! 餐廳資料:時新快餐店 地址:紅磡黃埔街1A地下 __________________________________________ 想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.com Facebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet