呢間餐廳好似係「馬家開飯」度介紹過,佢地D黑毛豬睇落唔錯,所以約左朋友係呢個度食晚飯。餐廳座位唔多,得5-6張方枱左右,鋪上左紅白格仔枱布,佈局簡單,跟朋友預先係bigDish呢個app卜左位,原來有9折架,仲要有D時段半價,又冇加一。 *用bigdish訂位最多可以有50%折扣,詳細可以睇番-> https://goo.gl/TSPJ9q * K至尊紅酒鵝肝金磚 ($58) 鵝肝金磚係鵝肝加西多士,並點上紅酒汁,係一個幾特別既食法,平時都係配法包多。鵝肝香味四溢,兩邊都煎到好香,羶香味慢慢散出黎,而西多士保持到外層脆身,縱然淋左甜甜既糖漿,食完都唔覺得油膩。 忌廉煮藍青口配蒜蓉包($48) 青口好入味呢,體積適中,唔會縮到過份細,呢個價錢黎講好抵食。 蒜蓉包份量有D嚇親,以為得1-2片,點知有4片,點坐住忌廉汁食都唔錯。 光是前菜已經放滿左我地張枱~ K至尊西班牙黑毛豬配薯菜 ($178) 跟餐有個黑松露忌廉湯,質感濃厚,但黑松露味唔太出,仲有一塊蒜蓉包。 印象中好似係第一次食黑毛豬,比我好大既驚喜。黑毛豬外層煎香,肉汁都封實在係入面,所以食落好juicy,唔會有乾爭爭或好韌既感覺。黑毛豬帶有香濃既豬味,肉質就肥而爽,嫩滑而出眾,肥得黎充滿油脂香。不過,黑毛豬就細塊左d,唔夠喉。 BBQ黑毛豬仔骨配薯菜 ($78) 叫左一個貴少少既黑毛豬再叫一個平D累毛豬仔骨同朋友仔一齊share。黑毛豬仔骨真係好抵食,包埋餐湯/餐飲。豬仔骨塗滿左BBQ醬汁,外層有少少焦香,而且好輕易就做到骨肉分離,好易就拆到骨,啖啖肉,味道juicy! 我覺得餐枱有D細呢,而且各餐碟都有D份量下,放左D前菜已經唔夠位放主菜喇~不過就真係好抵食,食到好飽! 門口不乏店員跟「愛回家」中的演員合照~ 餐廳資料:寶貝廚房 地址:佐敦白加士街7號康寧大廈地下__________________________________________ 想知多d香港有咩好食好玩既資訊,快d follow我下面其他channel啦:) 聯絡/邀請: Email: foodsharingnana@gmail.com Facebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet