去開奧海城接媽咪收工, 順便比佢休息下唔洗返屋企煮飯, 就隨佢去附近的小店吃頓輕食晚餐。 媽咪曾經到過「Kinson Burger & Bar 」(下稱Kinson)吃過外賣burger,感覺不錯, 所以便帶我來。 「Kinson」主要以露天座位為主, 並有少量堂食座位在裡面, 為的大概是因為歡迎寵物到來。 依媽咪的說法,平日午前午後都有不少附近住客來這裡吃東西,溜溜狗。 「Kinson」主打美國菜, 有意粉、熱狗、漢堡飽和一系列的串燒小食, 價錢都幾便宜, 意粉、熱狗、漢堡飽等飽肚食物$50-$69就有交易,串燒小食都是$10-20左右。 由於我們當日不太肚餓, 所以便叫了串燒Family BBQ Set($138), 可以在Skewers snacks任揀兩款, Meat任揀一款,Vegetable and fruit任揀兩款, 而且份量係X2,即有十串串燒,好抵食呀! 食物質素也比我想像中好得多, 有串燒店的質素! Skewers snacks我們選了燒墨魚丸和串燒雞肉, 燒墨魚丸爽口彈牙,串燒雞肉都算嫩滑, Meat我們選了香草燒紐西蘭羊架, 羊架香草味濃郁,一點兒也不會羶,值得番點! Vegetable and fruit方面, 我們選了BBQ必備的韮菜和菠蘿, 韮菜有點兒草青味,但勝在新鮮爽脆~ 菠蘿香甜多汁,值得一試! 另外我們還點了一客蜜糖雞翼(5隻)(辣)($48), 由於即叫即整,所以餐廳標明預備需時18分鐘, 不過確實值得等待。 味道有點兒像pizzahut的香辣雞翼, 但比pizzahut的更為入味, 而且蜜糖味也相當突出, 香辣和蜜糖味非常搭配! 值得一讚的是雞翼全部都拆去單骨, 很方便食客食用,店家真的非常貼心。 食串燒,最好就係配啤酒啦~ 所有啤酒1 pint全部一律$70, 唯獨是自家品牌啤酒最便宜,當然要試下啦! Kinson Beer($58) 入口有微微的麥香,易入口,幾抵飲! 地址: Kinson Burger & Bar (大角咀) 大角咀海泓道1號奧海城三期G27號舖 營業時間: 星期一至日:11:00-22:30