去旅行,或者去個快閃 trip 其實都係想比自己抖下氣 relax 下。 正所謂偷得浮生半日閒,首爾 coffee shop 林立,想搵 d 少遊客 d 又有d 特式既可以考慮下呢三間。 The Famous Lamb (더페이머스램) 坐凌晨機然上坐上subway 頭班車去酒店check in, The Famous Lamb 岩岩遇著剛剛 就係隔離。等多陣剛剛好8:30am 有早餐吃 ,佢地個 breakfast buffet 都十分豐富,有多種唔同款既Bread 好似法包、墨魚汁包、牛奶toast同麥包等等,另外仲有d cold cut 芝士,,熱食同pastry,價錢 KRW 13500 包一杯飲品 。而這隻有名的羊比舊店大一部有多,走歐式簡約路線。餐廳採用落地玻璃,充分利用日光,令空間感更大。 每張台都有一樽花加埋餐廳的設計同decoration 絕對係食野同打卡既好地方,唔只咁 , Famous Lamb 仲有自己的Roaster, 而家仲有咖啡豆賣。 地址: 마포구 서교동 월드컵북로 19 19 World cup buk-ro, Seogyo-dong, Mapo-gu, Seoul 電話: +82 2-334-2352 營業時間: 08:30 - 23:00 (新年及中秋節休息) 前往方法: 弘大站1號出口走大概5分鐘 2. Mon Cafe Gregory (韓文: 몬카페그레고리 ) 位於上水站的Mon Cafe Gregory是走絕對法式復古咖啡室路線,像是哈爾移動城堡似的,行過左就搵唔到個門口。Cafe 有兩層,搵到門口上一層是一個小雅閣,放左 2, 3張台然後就係收銀台同廚房,再往上走是一個閣樓,面積比第一層大。 點擊圖片放大 除左門牌唔太明顯唔易搵之外 ,一入門,你會發現連接coffee shop 的是一條長長窄窄的樓梯。唔好以為咁就好似secret place 咁,都好多本地人識搵上門。室內設計同擺設都好精緻,完全感覺到店主放左好多心思係上面。 Mon Cafe Grocery 其實最出名係甜點,聽說所有用料都係來自法國同日本的喔!但係今次好可惜地無緣食到,因為朝早食左一個超大份量的早餐,飽左半日LOL.... 所以只係點左凍飲 - Iced Early Grey French Blue (凍伯爵茶加入小量小藍花)和 Iced latte. 地址: 서울시 마포구 합정동 410-11 首爾特別市麻浦區合井洞410-11號 電話: +82 2-322-9579 營業時間: 14:00 - 23:00 (新年及中秋節休息) 前往方法: - 上水站1號出口過6條巷子右轉進去 - 合井站6號出口過5條巷子左轉進去斜對面 3. Mula Cafe 呢期好hit 的coffee shop 入面應該一定有佢,點解? 因為韓劇: 鬼怪入面既地獄使者 - 李棟旭之前幫韓國時尚雜誌 Arena 影左輯相 ,就係呢度。 極約主義的裝潢由白色,金色,藍色同埋雲石為主,配上玻璃窗組成的天花同落地玻璃門。係晴天既時間無時無刻都有絢麗的陽光透入黎,加上綠色既植物。 基本成間cafe上都係影相既好地方。 成個cafe 可以講分成 3 個sections: 室內, Garden 同埋天台。 除此之外Mula 仲有自己品牌 出品的瑜珈衫褲同用品出售添。 唯一一樣有d美中不足的是 ,Mula Cafe 只有咖啡同茶,仲有兩款King Size Tiramisu 選擇 圖中係Hot Mocha, Hot Cappuccino 同 Matcha Tiramisu (係signature 黎嫁) 地址: 서울특별시 강남구 신사동 524 -22 首爾 江南區 新沙洞 524-22 電話: +82 2-6104-4541 營業時間: Sun - Fri 10:00 - 22:00 Sat 10:00 - 23:00 前往方法: 新沙站 8號出口走大概 8分鐘 ----------------------------------------------------------------- Find me on Instagram▸ https://www.instagram.com/fatyungsoul/ Blog▸ http://flyyoursoul.blogspot.hk/ U Blog▸https://blog.ulifestyle.com.hk/blogger/flyyoursoul/