朋友飯聚,大家一係在港島區,一係就在油尖旺工作,所以選擇一個中間點~尖沙咀聚餐。一大班人最好食任食,放題,唔使諗,大家一定啱食。朋友A在尖咀工作,話有間新開的打邊爐,大家一齊去試試。 裏面裝修新淨,約左百個坐位,我們到埗時間約為6:30,似乎是剛開門,只有幾枱客。 侍應帶我們坐下後,介紹了兩個選擇給我們,基本就是任飲任食火鍋$188/位,另一個是升級版雞煲及魚生及海鮮各一盤$278/位,經過朋友的商量,大家一至認為試左基本先,好食再返兜的大原則下,我們並無加錢,決定選擇基本火鍋。 湯底方面有十款選擇 外面有自助飲品包括啤飲,汽水,涼茶及無糖鳥龍等等 自助雪糕機,可惜維修中,未能一試 自助醬料吧比大家任配任搭,另外還附設自助湯/水,自己乭以選擇加湯定水 任食食物則多達七十款包括邊爐首選肥牛,黑豚肉,墨魚滑,蝦滑,各式丸類,女士至愛花膠 等等 湯底:我們試了藥繕鍋,開始時味道未算濃烈,後來越滾越濃藥材味 肥牛:牛肉味不濃,但尚算淋身,不"鞋"口 花膠:細細舊,夠淋,煲到最後都唔會爛 手打三色丸:有墨丸、蝦丸、鯪魚丸,細細粒,好彈牙 蝦:新張期內送的,好新鮮,蝦肉實淨,夠大隻 生菜:全部切剩個頭,剩返最嫩最脆口的菜葉,非常好食 雲吞:細細粒,食落不覺有蝦肉,味道一般 蟹柳:唔會一舊粉,好有蟹肉既絲狀,一滾即食,味道不錯 墨魚滑:好香即墨魚味,感覺係新鮮攪製 牛骨髓:好似食緊啫喱質感,好淋,但係完全無味 上菜速度夠快,下單約五分鐘就已陸續出現 總括而言,食物質素不錯,兩小時任食基本上都足夠。