嘩哈哈！我又講Hello Kitty喇！ 我估計大家有留意開Facebook等網上平台，都知道香港又掀起一陣Hello Kitty熱潮啦！ 我呢個忠心粉絲梗係唔會錯過任何見到Hello Kitty機會啦！ 我講緊既就係Hello Kitty Go Around啦！ 希望呢個Blog唔會出得太遲啦！ 展期由2014年10月30日至11月16日！ 地點係九龍灣EMAX，詳情我會係Blog最底Link俾大家參考！ 好啦！要分享我去呢個Hello Kitty Go Around既經驗啦！ 因為平日都要返工，所以選擇左星期日去，當日就中午12點左右去到EMAX，我冇預訂門票，是買即場門票的！ 週末普通成人門票承惠港幣100元，入面有7個攤位，每玩一個攤位要1張遊戲券，門票附送一張遊戲券的！ 遊戲券每張承惠港幣25元，5張為港幣100元！ 我同男朋友去買了2套100元5張，加門票的，我們一共有12張遊戲券！ 埋單港幣400元，現場買入場門票及遊戲券係可以用信用卡(Visa/Master)俾錢架！ 好彩時間尚早，即場購票都只係等左幾分鐘就可以買到啦！（我4點左右離開，出到去見到打哂蛇餅，所以如果星期六日去最好早些出門啦，減少等候時間） 買入場券送卡套，俾你入到去玩果時放住D遊戲券同卡既～ 好啦！入場啦！職員提示我地場內冇洗手間，所以要去左廁所先入！ 今次個展以嘉年華為主題，攤位遊戲都係一D懷舊！ 排隊入場都只係5分鐘左右，比我想像中快呀！ 入去到就有個Kitty 木馬迎接我地！就係大會留影區！ 不過我都冇買張相，太貴！同埋職員唔俾用自己相機影！所以冇相俾大家睇！ 過左大門口入到去就成個嘉年華會咁！好多Hello Kitty好開心呀！ 我會按我當日行既路線去敘述！ 有幾個必留影既地方！首先係個大摩天輪啦！ 之後我地玩 第一個攤位，就係「Sanrio Baby Race」 自我評分： 玩法難度：4 需要運氣度：5 （滿分為5） 玩法就係將佢提供D球碌到D洞入面，碌到最高就最高分，上面個Baby就行得快D！ 時限30秒！ 結果輸了！哈哈！其實好難，因為個枱有少少暗斜，碌唔中就會碌返轉頭，而且得4個球！ 第二個攤位，就係「Mama’s Kitchen」 自我評分： 玩法難度：3.5 需要運氣度：4 （滿分為5） 就係將3個材料拋到指定的位置，3個位置都中哂就羸啦！ 結果我都係冇運啦，唔中＝３＝ 左手面係個Stage，定時有Sanrio D角色random咁出黎同人影相架！ 又一留影位置「Sanrio Friends Express」，每次排隊只可拍一張照片 賣花的小Kitty，又可以影一影 第三個攤位，就係「Ichigoman 正義聯盟」 自我評分： 玩法難度：3 需要運氣度：4 （滿分為5） 係時限30秒要用大型吸管吸取波波，波波會係上面跌返落黎，就要用背住的大袋入中3個藍色波波就成功啦！ 因為我手腳唔識配合，就請左男朋友幫我玩啦 玩左2次都只係入左2個藍色波波咋，禮物係Kitty披肩好靚！ 可惜我們前後玩了4次都係唔得呀！T_T冇緣了～ 之後行下行下毛啦啦就見佢D職員仲有得派Meet & Greet Coupon，尾二一個，本應好開心咁期待住可以同Kitty合照，但係原來每次出來的角色都係Random！ 仲要係我最憎的Melody－３－ 唔好睇我笑得咁開心，扮架咋！ 第四個攤位，就係「幸運彩虹」 自我評分： 玩法難度：1 需要運氣度：5 （滿分為5） 玩法都唔洗太解釋啦！一張遊戲券可以換到5個Kitty Coins！ 結果都係白果啦！哈哈！ 之後就行到去日本街啦！ 好靚呀！ 用一張遊戲券就可以換一塊木牌同一個金幣（金幣俾你掉落個箱，唔可以拎走架） 之後到下一輪影相時間，但我拎到張COUPON冇得影，今次原來係我既至愛出現！T_T 冇得影, 只有遠遠觀望 另一留影位置，就係大型夾公仔機啦！ 排左2次，因為第一次入錯格，反哂光咁.. 再有一個留影位置就係TOY SHOP啦~ 扮公仔XD 點擊圖片放大 第五個攤位，就係「救救小金魚」 自我評分： 玩法難度：3 需要運氣度：3 （滿分為5） 玩法就係30秒內釣出一隻公仔就嬴，可惜又係唔得呢！SAD到冇影相就走 第六個攤位，就係「爸爸的閱讀室」 自我評分： 玩法難度：3 需要運氣度：3 （滿分為5） 就係有2次機會，將報紙彈到去個窗邊，太難會反彈，所以都係白果啦。。。 第七個攤位，就係「圈圈Tiny Tiny」 自我評分： 玩法難度：3 需要運氣度：3 （滿分為5） 每次有3個圈圈，要整個圈圈住個熊仔就嬴！又係輸哂。。所以都係冇影相 結果七個攤位都冇個嬴呀！呢個營運方式好奸呀！要人係咁買遊戲券玩！ 好彩我好理智！玩哂手頭果Ｄ就算了！ 另外會場仲有一個Workshop位置，可以上網報名學整木馬燈、椅等，詳細上官方睇睇，可以上網預約架！ 另外仲有Ｄ留影位！ 點擊圖片放大 申利：本文是屬個人分享，所有費用都是自費的:) Hello Kitty Go Around 展期：2014年10月30日－11月16日 營業時間：早上11時至晚上8時（晚上8時15分停止入場） 地點：九龍灣國際展貿中心 官方網頁：www.hellokittygoaround.com 手機App：Search 「Hello Kitty Go Around」 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP My Blog : Blogspot | theZtyle | Beauty Exchange |Qooza | Qooza Beauty | U Beauty | Fashion & Beauty | she.com ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
