我地頭3晚都住係那霸, 間酒店係單軌電車旭橋站隔離, 叫做DoubleTree by Hilton Hotel Naha。 我地住的日期係14/1-17/1, 房型係 1 Double Bed Guestroom , (我地係鑽石會員所以免費upgrade左做1 Double Bed Premium with Massage Chair,但間房都幾細) 3晚連稅加埋23,286円 (約$1628港紙),每晚7 ,762円(約$543港紙), 真係幾抵住! 酒店的外牆,幾樸實的style 酒店的門口 Reception,呢度的裝潢反而幾高格調。 酒店職員服務都唔錯, 男友當時唔左card holder, 酒店職員都幫手打電話&借電話比我地。 詳睇:冬日非自駕沖繩遊 Day1b (Naha Main Place,屋台村,第1日就唔見野?) 酒店大堂,好多位比旅客坐。 -------------------------------------- 我地去酒店房睇下~ 酒店同大阪住個間Best Western一樣係無衣櫃, 一入門口的左手面就係放衫的空間, 有熨斗、夾萬、拖行等。 沖涼房, 細細的房間都有浴缸! 令我覺得好貼心的係, 浴缸外面有個出水口, 平時我都會搞到沖涼房的地下水浸, 有呢個出水口,沖涼房地下就會乾爽好多。加分! 沖涼液、洗頭水係Peter Thomas Roth呢個牌子。 風筒係Panasonic, 近年日本Panasonic出的風筒都好hit,因為吹到把頭髮好順滑。 細細地的睡房, 間房特別在有張按摩椅, 瘋狂血拼完番酒店房可以鬆一鬆。 睡床對住的電視。 電視下有Nespresso 咖啡機&兩粒capsules, 仲有個熱水壺。 睡床隔離係書台。 上面放左D welcoming零食。 特別的係有風獅爺的樣的糖,同埋宮古島的雪鹽餅。 男友好鐘意食呢個雪鹽餅! DoubleTree的傳統:入住的第一日會每人送一塊熱辣辣的曲奇! 都幾好食喎! 酒店窗外的境色 --------------------------------------- 我地係走廊見到有間房寫住製冰機, 於是我地入去睇下。 原來有部機比你禁D冰出黎, 我地冬天都無緣用呢個服務啦 haha -------------------------------- 由於我地係會員,所以送左早餐, 係酒店大堂隔離的餐廳食。 座無虛席 竟然有燒賣食,味道當然係香港好食啦。 早餐的種類唔係好多,所以都拎左好小野食。 牛油唔係食開的Anchor牌的牛油,所以兩款都拎左黎試下。 男友拎左個奄列食。 無乜野好食,於是拎D Cereal食下。 發現呢度有納豆 (我仲未食過 所以要試下) 盒內付上好多調味料 好臭 味道麻麻,最後係食唔哂成盒。 唔係人人都接受到的食物,但營養含量十分豐富。 將來有機會再挑戰一盒! ------------------------------- 另外,酒店仲送左welcoming drink比我地! (真係好多野送呀!) 詳睇: 冬日非自駕沖繩遊 Day2c (Local Tour,萬座毛,掛上英殖香港旗的餐廳?) 郵局都好近酒店,只需要5分鐘的路程就去到。 詳睇: 冬日非自駕沖繩遊 Day4a (首里城,那霸去恩納,利木津巴士) 酒店亦都鄰近那霸巴士總站, 去沖繩中北部各大主要度假酒店都可以係呢度搭車, 詳睇: 冬日非自駕沖繩遊 Day4a (首里城,那霸去恩納,利木津巴士) 總括黎講: 酒店雖然唔係位於國際通, 但係鄰近單軌電車去國際通都十分方便, 而且我報左的Local Tour &浮潛 都有shuttle係酒店接載, 對非自駕遊的你地黎講十分方便! 另外,酒店設施好齊全,價錢都唔貴, 推介大家黎那霸住呢間酒店! 想收到個blog最新update 記得like Facebook Page https://www.facebook.com/fatbjai.travel/ 其他文章: 冬日非自駕沖繩遊 酒店篇 (DoubleTree by Hilton Hotel Naha) 冬日非自駕沖繩遊 Resort篇 (Kafuu Resort Fuchaku Condo Hotel) 冬日非自駕沖繩遊 Day1a (內附5日行程,港龍) 冬日非自駕沖繩遊 Day1b (Naha Main Place,屋台村,第1日就唔見野?) 冬日非自駕沖繩遊 Day2a (Local Tour,古宇利島,屋我地大橋,備瀨福木林道) 冬日非自駕沖繩遊 Day2b (Local Tour,美麗海水族館,御菓子御殿) 冬日非自駕沖繩遊 Day2c (Local Tour,萬座毛,掛上英殖香港旗的餐廳?) 冬日非自駕沖繩遊 Day3a (浮潛, 慶良間諸島) 冬日非自駕沖繩遊 Day3b (第一牧志公設市場,國際通,沖繩料理) 冬日非自駕沖繩遊 Day4a (首里城,那霸去恩納,利木津巴士) 冬日非自駕沖繩遊 Day4b (恩納必食餐廳,海葡萄蓋飯,琉球之牛) 冬日非自駕沖繩遊 Day5 (那霸機場有咩好買?) 冬日非自駕沖繩遊 有咩手信買?