我地今日搭4:05pm的機番香港, 朝早係酒店食完個早餐, 就番Villa影影相,執行李去機場啦! 我地由酒店搭去機場用左$390THB。 機場登機大堂好細,無乜鋪頭好行, 特別嘅係...有寄艙行李包埋一齊的收費服務 (即係點?) 如果你買到一袋二袋放唔入喼, 店員會幫你將的野用透明膠包埋一齊, 咁你就可以安心寄艙啦!(包好多層膠,望落安全) 其實我地都好需要呢個服務lol, 但係慳錢的關係, 我地唯有將D野塞到落喼就塞滿佢, 塞唔落就hand carry先。 我地搭AirAsia, 條check in隊非常之長, 我地見到有自助check in機, 於是男友就行去試下係D機度check in, check in完就直接去baggage drop-off度將行李寄艙啦 (baggage drop-off counter係幾乎無人排!) 於是我地就極速check in完啦 :D 所以大家搭AirAsia的話多人都記得去自助check in,然後直接排baggage drop-off。 我地入左候機室之後,發現原來入面比想像中大! 入面都幾多鋪頭比人買野 但價錢係比出面貴好多! 除左圖中的店之外, 仲有間做massage的店, 我地當時班機delay左一粒鐘左右,於是我地打算做下foot massage啦, 點知間野唔收credit card,但我地身上的cash所剩無幾! 所以都係係度shop下ping啦。 上篇blog提過我地係機場買左的野去布吉玩 之 #9(泰國必買手信,購物分享,戰利品) 唔覺意買左盒好正的朱古力椰子脆卷!仲有好多味揀! King Power Duty Free Thailand獨家的產品,$215THB,約$51港紙。 我地仲叫店員比個大膠袋我地,然後將一袋兩袋的野塞落袋。 我地洗埋身上的錢,買左支水$20THB,約$4.7港紙,認真唔平! 最後買埋呢包椰子糖,$50THB,約$12港紙。 我建議大家唔好留到係布吉機場先買手信呀! 男朋友有Priority Pass, 係侯機室見到有好幾間lounge, 於是男友開app睇下Priority Pass入到咩lounge, 當時見到Lux - The Luxury Lounge 同埋The Coral Executive Lounge都可以入, 於是佢揀左望落唔錯的The Coral Executive Lounge入去食下野。 入面都幾大 可以望到停機坪的景色 野食的款式唔算好多,但有好多生果揀。 野飲的款式都幾多,但為免中伏,男友都係揀左Lipton 檸檬茶&可樂。 另外仲有d冷盤同甜品。 野食的味道都算係咁,唔可以期望太多。 另外男友仲拎左忌廉湯飲,味道唔錯。不過個陣冇哂湯碗,等左好耐職員先拎俾佢,佢表示職員好似唔想幫佢咁。 另外,男友仲拎左d三文治同曲奇比無Priority Pass的我食! 三文治味道都ok,曲奇就一般。 環境幾舒適。 總括黎講呢間The Coral Executive Lounge環境唔錯,坐係到等上機係幾舒服的,但服務可以更好,如果有priority pass唔洗錢入就唔怕試下啦! 我地終於上機離開布吉啦! 當時接近6點,我地其實仲未食午餐 (lounge食的野唔計的話 :P) 於是就係機上叫左盒Nasi Lemak椰漿飯 (AirAsia的menu d圖真係好吸引!) 真心覺得幾高質個飯! 仲係機上買左呢盒Tamarind Soft Candy ,中文叫做羅望子,或者酸子。 呢個糖表面係酸粉,入面的甜的軟糖, 口感似似地能得利, 酸酸甜甜好好食! 話說空姐竟然話唔收卡, 但我地又用哂D泰銖, 竟然可以收港紙,但匯率就蝕左,兩樣野加埋$50蚊港紙。 本身仲想買Srichand 的giftset,但空姐話無貨,所以都幾失望。 最後番到香港,拎埋行李出黎都已經9點幾啦, 我地係Arrival Lounge食個晚飯就番屋企啦! 布吉trip就由呢碗牛肉麵作結啦。 下篇同大家展開沖繩之旅 ! ---------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉fusion菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)