Day 4的行程~ 酒店自助早餐 -> 舊城區 Thalang Road-> Tu Kab Khao 食lunch -> Central Festival Phuket shopping -> 芭東海灘 ->玩水上拖傘 -> Jungceylon shopping ->JW Marriott Phuket Resort & Spa的Ginja Taste食dinner ------------------------------- 上回講到我地係Central Festival Phuket 用Grab call車去芭東海灘, 我地搭左$300THB。 黎到布吉最熱鬧的芭東海灘! 我地係附近買左張沙灘蓆,盛惠$250THB, 夠我地兩個人坐有突。 我地坐係度吹下海風咁, 時不時都有人行過黎向你兜售, 例如野飲、雪條之類, 但我地都無興趣。 我地不時都見到有人玩水上拖傘, 係天度飛下飛下, 我好想玩,於是我地就去問下價 水上拖傘除左一個人玩之外, 原來可以兩個人一齊玩! 男友原本唔敢玩, 既然可以兩個一齊玩就緊係一齊玩啦。 兩個人一齊玩的價錢係$3000THB (約$690hkd) 我地最後講價講到$2400THB(約$550hkd) 都幾貴下, 但原來有5-6個工作人員幫手, 所以都值咁貴嘅,最後我地就扑槌啦。 工作人員問我地邊度黎, 我地答:香港 然後佢地就唱:浪奔~浪流~ 估唔到佢地識唱廣東話歌,氹得我地好開心。 救生衣著好! 幫我地拎相機的工作人員,都不忘同佢D同事影相。 前面的職員拎住我地係繩, 後面個職員負責吹雞發號司令。 同我地一齊上去的職員,佢負責控制個傘。 We're ready! 後面兩位職員開緊傘啦 職員叫我地起飛同降落的時候都要係咁跑 就快升起 離地了 靠水上電單車黎控制個傘 越升越高 係天上面好似雀仔咁俯瞰成個芭東海灘真係好正! 我地落到地係沙灘蓆再坐陣先走。 有小朋友餵野比D鴿 原來芭東海灘有咁多鴿架! 我地離開芭東海灘,見到有間店用椰子殻黎裝雪糕,所以就試下! 揀3球雪糕之後,仲可以加配料同醬! 仲送左杯椰青水,正呀! 價錢係$150THB。 之後我地經過酒吧街,行去Jungceylon度行下。 買左杯野飲下,$100THB。 然後我地去左Jungceylon其中一棟商場 Silang Boulevard,入面大部分都係非連鎖的小店。 我係2樓的Island Girls 竟然睇中左野買! 買左呢條白色裙 呢條藍色間條playsuit,同埋頂闊邊帽。 總共$1920THB,泰國黎講唔係好平, 但我好少對衫有一見鍾情的感覺, 所以就買左。 而Boots,Beauty Cottage,Watsons呢D連鎖就係Phuket Square個棟。 我地行到咁上下就call Grab番酒店個邊食dinner啦。 ---------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)