我地呢幾日的行程: Day 1:香港機場->布吉機場->入住Marina Express Aviator Phuket Airport酒店 Day2: 酒店Room service 早餐 ->Anantara Mai Khao Phuket Villas酒店check in ->JW Marriott Phuket Resort & Spa的Siam Deli食lunch->酒店hea全日->酒店的La Sala食dinner Day 3: 酒店自助早餐 -> Flying Hanuman玩zipline -> Jungceylon的Le Siam食lunch-> Jungceylon shopping ->Jungceylon的Shawarma Express 食dinner->返酒店 Day 4: 酒店自助早餐 -> 舊城區 Thalang Road-> Tu Kab Khao 食lunch -> Central Festival Phuket shopping -> 芭東海灘 ->玩水上拖傘 -> Jungceylon shopping ->JW Marriott Phuket Resort & Spa的Ginja Taste食dinner Day5: 酒店自助早餐 -> 酒店泳池&沙灘玩 ->酒店做Thai message ->Kin Dee食dinner Day6: 酒店自助早餐 -> 布吉機場shopping ->香港機場 -------------------------------------- 前文講到我地由機場行去Marina Express Aviator Phuket Airport酒店。 請睇去布吉玩 之 Day1(AirAsia,徒步行去酒店,兌錢,電話卡) 我建議大家如果拎好多野,拖住喼的話千其唔徒步行去酒店啦。 呢間酒店我地係Expedia book, 我地用9折code後, 價錢只係$246.15! 抵到爛! 我地book的房型係Deluxe Room, 有免費mini bar & wifi! 呢個價錢仲有free mini bar真係好驚喜! 酒店大堂。 酒店大堂無冷氣,但有把大風扇。 大堂有電腦比旅客上下網。 成間酒店都係用飛機黎做主題, 周圍都可以發現到飛機的圖案、裝飾。 大堂樓底好高,好寬敞。 酒店的門口。 門口有個小型水池。 酒店的電梯都好型格的設計 走廊 房門口格離就有個開放式衣櫃/茶几, 呢個設計都幾方便放野,掛衫。 第2朝比我放滿哂野haha 可以試下泰國的咖啡 免費mini bar,免費黎講都唔錯! 係橙溝蘿蔔汁。 開放式衣櫃對面就係浴室 沖涼位&馬桶 床的前面有個梳化&書台。 張梳化都幾大張,幾好坐。 床上掛左飛機的圖鑒。 飛機迷必住的酒店! 間房仲有個小露台。 有D似香港新界的村屋 --------------------------- 第日朝早我地11點幾先起身,叫左room service做早餐。 價錢都係$150THB,around $35港紙, 另外比左$20THB tips。 都幾好食,無嗌錯! -------------------------------------- 然後我地就check out call車去Anantara Mai Khao Phuket Villas啦。 布吉無Uber,所以我地就用Grab呢個app, 用法都大同小異, set 你個位置同埋你想去的地方, ->但用呢類call車app記得要有張打電話功能的sim卡, 因為司機會打黎confirm位置。 ->而且有時d司機英文好差,雞同鴨講咁, 大家可以叫本地人幫手用泰文講你的位置, 本地人有時會托手踭,因為佢地以為要講英文, 只要你話speak Thai,佢地就會好樂意幫手。 ->此外,我建議比cash多過比卡, 因為有次我揀左比卡, 落車的時候好混亂, 司機問我收錢 一時醒唔起個app我揀左比卡, 然後白白比左double車費個司機, 雖然之後向Grab投訴拎番D錢,但就麻煩D。 -------------------------------------- 總括黎講, Marina Express Aviator Phuket Airport 2百錢蚊一晚, 除番開一個人百幾蚊真係抵到無朋友! 想係機場附近搵酒店的話 呢間好推薦! 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)