上篇講到我地call車搭去我地期待已久的Villa! 請睇去布吉玩 之 #2酒店篇(Marina Express Aviator Phuket Airport,Call車app) 我地會住係Anantara Mai Khao Phuket Villas 4晚, 我地係Expedia book package 4晚酒店連機票, 剩計4晚酒店連稅,平均每晚$2133.29, 我地住的房型係Pool Villa,包早餐。 我地俾泰式villa感覺同私人泳池吸引所以book Anantara! ---------------------------- 一到達酒店門口, Staff就會好熱情招呼你, 幫你拎喼。 一入門口就有個荷花池,前面係食早餐的餐廳。 右面個個建築物就係lobby (好泰式feel) Lobby~ 坐係度check in Staff為我地送上左冰凍的果汁 仲送左花環戴係我地手上 check in左之後就去我地住個間villa啦, 由於間酒店好大, 我地要坐高爾夫球車去我地間屋! 浴途個staff都會一路介紹酒店的設施。 除左坐高爾夫球車之外, 旅客都可以踩單車去酒店唔同的地方, 酒店每間屋的門口都會有單車, 我地可以隨便拎單車去踩! 酒店雖然係大 但行路都係5-10分鐘左右就去到唔同設施。 我地的Villa門口 一入Villa就見到兩張沙灘椅 另一個角度 泳池邊有個涼亭,有個雪櫃係度, 游完水可以係度Hea下,飲下野。 Private Pool,仲有個浴缸係池邊。 入房之前要拍卡先入到,門格離有把傘。 精心佈置的床, 床上面有蚊帳 但係酒店都無比過蚊咬, 間房都好乾淨! Happy Anniversary~ 床的左邊有張書台 床的右邊有張梳化 房入面望到池景 再行入間房 有張梳妝台 行李放係呢度,好方便打開拎野。 後面就係衣櫃, 有沙灘袋同拖鞋提供比你去沙灘玩。 另一個衣櫃仲有蚊怕油,殺蟲水提供, 屋入面未見過有昆蟲 大家唔洗擔心。 再行入去就係浴室啦 左邊係廁所 右邊係沖涼房 呢度放左D日用品,浴鹽。 浴室都望到個泳池 浴室入面都有張梳化。 我地仲帶左獨角獸&紅鶴浮床黎布吉! 可以叫職員幫你吹漲佢地! ------------------------------ 我地立刻同獨角獸&紅鶴玩遊戲! 玩玩下跌左落水 發現D水原來係好咸的 我地影左好多相! 呢幾日布吉都落過幾陣雨 但佢一出太陽就會好曬 床前面都可以打開門 跳落水入面 最後一日隻紅鶴已經漏漏地氣啦 ------------------------------ 第一日酒店送左一盤生果, 有比較少食的山竹&紅毛丹。 Dilmah的茶包飲 有咖啡機 有6粒Nespresso capsules 酒店第一晚送左個蛋糕比我地, 但我地太飽無即日食, 第2日晚先食 搞到個蛋糕溶溶地咁。 每晚番到房都會見到House keeper送比我地的祝福樹葉, 每次見到都覺得好warm。 總括黎講,間villa 同員工的服務都好好, 下篇講下酒店的早餐、餐廳、泳池、沙灘&係酒店做Massage! 請睇去布吉玩 之 #4酒店篇(Anantara Mai Khao Phuket Villas 2) 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)