我地5日4夜大阪之旅, 頭3晚都住係Best Western Hotel Fino Osaka Shinsaibashi。 我地住的日期係14/6-17/6, 房型係Standard room, (之後免費upgrade左做Superior room,但間房都仲係好細) 我地係Expedia度book, 用左上網搵的coupon code之後,3晚總共$2695.11。 (大家係Expedia book房記得search下有無coupon code用呀!) Best Western係美國的連鎖酒店, 全世界超過80個國家都搵到佢的蹤影 (包括香港!) 今次呢間酒店雖然叫Best Western Hotel Fino Osaka Shinsaibashi, 但其實唔係近心斎橋地鐵站, 而係近長堀橋地鐵站, 距離心斎橋同日本橋一個站。 由於距離幾近 所以心斎橋同日本橋我地呢幾日都係行過去, 步行距離約10-15分鐘。 酒店門口 from酒店官網 酒店大堂 from酒店官網 酒店的格局都不過不失, 服務都唔錯 無乜特別。 打開房門就有個好窄的走廊, 可以見到床尾位置 岩岩好夠位放到兩個喼。 酒店房無衣櫃, 門口格離就有個小角落掛衫。 另外,有兩款拖鞋比你著, 而且好似仲有支清新噴霧。 行到入黎沖涼房。 估唔到間房咁細 竟然有浴缸! 日用品好齊全! 佢把梳,酒店黎講好高質!後悔住左幾日都唔拎返幾把梳返香港! (D梳成日帶出街唔見左 haha) 另外風筒係Panasonic, 近年日本Panasonic出的風筒都好hit,因為吹到把頭髮好順滑, 而呢把吹左都好似順D (可能係心理效果) 沖涼液、洗頭水、護髮素都係Pola呢個牌子。 原來Pola係日本美容界的三大品牌之,貴婦級肌膚保養專家, 簡直覺得自己住緊5星級酒店。 仲有支for男士用的剃鬍產品,又係Pola出品。 毛巾都充足。 沖涼房門口仲有D刷鞋工具。 間房一眼望哂咁細, 雖然係咁細,都有張綠色梳化仔用黎放戰利品。 張床細得黎都夠我地訓。 床上仲放左兩件睡衣。 另外,房入面都有個雪櫃仔, 可以去便利店買定D壽司、飯團做早餐! ------------------- 講開便利店, 酒店門口對面就有間7仔, 每次臨番酒店都會去7仔買野食先番酒店! 另外,酒店附近有間24小時營業的超級市場叫做Foodium, 地址:大阪府大阪市中央区東心斎橋1-5-9 大家晚夜都可以去行下。 (請睇:去大阪玩 之 Day1c (新世界元祖串,章魚燒)) -------------------- 食野方面, 酒店雖然唔係位於旺區, 但附近好多餐廳 遊客比較少! 請睇:去大阪玩 之 Day2b (東心斎橋,遠離遊客區食好西) -------------------- http://vivianchiu.pixnet.net/blog/post/41775061 拖住喼點樣去酒店最方便呢? 旅行前做左資料搜集, 有位台灣blogger分享:由長堀橋地鐵站5B出口出, 然後經過CRYSTA地下街, 然後去地下街的南3出口, 個度就會有電梯上地面! 然後就會見到&跟住 Best Western的指示行, 1-2分鐘就會到達酒店啦! ------------------- 總括黎講: 呢間酒店都唔錯,乾淨舒服,用品齊全、 非旺區較靜、附近又好多餐廳, 唔好的地方係間房細左D、 行15分鐘先去到心齋橋。 大家黎心齋橋都可以考慮住呢間! ------------------------------ 想收到個blog最新update 記得like Facebook Page https://www.facebook.com/fatbjai.travel/ 其他文章: 去大阪玩 之 出發前先興奮 去大阪玩 之 Day1a(電話卡,兌錢,買ICOCA卡) 去大阪玩 之 Day1b(大阪城,黑門市場,固力果廣告板,Pablo) 去大阪玩 之 Day1c (新世界元祖串,章魚燒) 去大阪玩 之 Day2a(環球影城Universal Studios Japan) 去大阪玩 之 Day2b (東心斎橋,遠離遊客區食好西) 去大阪玩 之 Day3a (浴衣體驗,京都清水寺) 去大阪玩 之 Day3b (京都清水寺,浴衣體驗,釜座,丸善,Dalloyau,沾麵) 去大阪玩 之 Day4a (京都伏見稻荷大社,千本鳥居) 去大阪玩 之 Day4b (奈良,進擊的鹿,梅田Grand Front Osaka) 去大阪玩 之 Day5 (關西機場手信,JR大阪locker,Luke’s Lobster) 去大阪玩 之 住宿篇(Best Western大阪心齋橋) 去大阪玩 之 住宿篇(Intercontinental Osaka)