Day4: 伏見稻荷大社->奈良比鹿玩 ------------------- 今日我地又係7點幾就起身啦 又食左琴晚係Family Mart買的早餐, 然後就執行李,我地要搬酒店啦。 我地由長堀橋的Best Western Hotel Fino Osaka Shinsaibashi 搬去梅田的InterContinental Osaka, 遲D會寫blog講下呢兩間酒店。 係InterContinental 放低行李之後, 我地就出發去伏見稻荷大社, 我地又係搭JR東海道山陽本線新快速去京都,然後轉JR奈良線到稻荷站。 大約10點9就黎到啦,好多人呀! 張地圖畫得好靚,好易睇, 我地個目標就係好多人打卡的千本鳥居。 呢座建築掛滿紅色的燈籠,特別靚, 今日仲著左Day2係GU新買的布鞋添。 周圍都係紅色的建築物 終於行到黎千本鳥居, 開頭的鳥居比較矮, 生得高的你可能要烏低身先行到! 我身後就係奧社奉拜所啦 呢度好多迷你鳥居,仲排到成座山 然後我地繼續向山上行, 人流係越高越少人, 想影無人的相就要行高D啦。 鳥居的正面係無字的, 反面會刻左奉獻者的名 同埋年月日。 我地唔打算上頂啦, 行到咁上下就落番去, 因為我地仲要去奈良! 行行下見到好多途人影相, 原來有隻貓喵企定定係個木柱上唔郁, 好似僧侶打緊坐咁 lol 沿路好多建築都好靚 伏見稻荷大社出面有好多攤檔、鋪頭 我地比呢間賣的豆腐吸引左 400円,D汁好好味! 另外店主伯伯好nice之餘,仲好鐘意小朋友,當時有一家大細黎買豆腐,呢位伯伯送左個毛公仔比佢,so sweet!買豆腐送毛公仔,根本就係蝕本生意!呢D好人好事,就算唔係發生係自己身上,見到都覺得好暖心! 之後我地就去食lunch啦 比呢間餐廳門口的食物吸引左入去 お食事処いなり 地址:京都府 京都市伏見区 深草一ノ坪町 27 餐廳的menu係無圖, D日文字又同門口D餐寫的字唔同, 所以我地點餐的時候索性show張圖比侍應睇。 呢個就係第2張圖850円個個 呢個係第一張圖右下角800円個個, 超鐘意食有一大塊腐皮的湯面,D腐皮索哂D湯汁好好味! 碟腐皮壽司又好juicy 好正! 兩個餐加埋1650円。 之後我地就見到雪糕就好想食啦, 呢間雪糕特別在於D雪糕係反地心吸力, 倒轉D雪糕都唔會跌落黎。 白色係豆腐味,藍色係波子汽水味,400円。 京豆庵 伏見稲荷店 地址:京都府 京都市伏見区 深草秡川町16-20 之後我地就係伏見稻荷站搭車去近鐵奈良站 首先搭一個站去丹波橋站,然後行去近鐵丹波橋站先搭到去近鐵奈良站 伏見稻荷站好特別, D木柱油上紅色,而且仲有好多狐狸的圖案 下篇繼續講Day4係奈良做左D乜 ------------------------------ 其他文章: 去大阪玩 之 出發前先興奮 去大阪玩 之 Day1a(電話卡,兌錢,買ICOCA卡) 去大阪玩 之 Day1b(大阪城,黑門市場,固力果廣告板,Pablo) 去大阪玩 之 Day1c (新世界元祖串,章魚燒) 去大阪玩 之 Day2a(環球影城Universal Studios Japan) 去大阪玩 之 Day2b (東心斎橋,遠離遊客區食好西) 去大阪玩 之 Day3a (浴衣體驗,京都清水寺) 去大阪玩 之 Day3b (京都清水寺,浴衣體驗,釜座,丸善,Dalloyau,沾麵) 去大阪玩 之 Day4a (京都伏見稻荷大社,千本鳥居) 去大阪玩 之 Day4b (奈良,進擊的鹿,梅田Grand Front Osaka) 去大阪玩 之 Day5 (關西機場手信,JR大阪locker,Luke’s Lobster) 去大阪玩 之 住宿篇(Best Western大阪心齋橋) 去大阪玩 之 住宿篇(Intercontinental Osaka)