Day2去大阪環球影城Universal Studios Japan玩! ----------------------------------- 大阪5日4夜行程: Day1: 關西機場->酒店->道頓堀->大阪城->黑門市場->道頓堀->酒店休息->心齋橋搵食 Day2: 環球影城Universal Studios Japan -> 心齋橋 Day3: 京都清水寺 Day4: 伏見稻荷大社->奈良比鹿玩 Day5: 心齋橋最後沖刺->關西機場 ---------------------------------- 為左10點鐘到達環球影城, 我地7點幾就起身梳洗食早餐啦! 呢D都係我地琴晚係超市&7仔買的壽司、飯團。 詳細可睇番去大阪玩 之 Day1c (新世界元祖串,章魚燒) 我地一早就用乗換NAVITIME呢個App睇定搭D咩野地鐵去環球影城, 呢個app用黎搭地鐵好方便! 只要揀你上車個站同落車的站 (環球影城的站名係ユニバーサルシティ) 個app就會列哂最平、最快同埋最方便的路線! https://itunes.apple.com/jp/app/cheng-huannavitime-cheng-huannabitaimu/id528532387?mt=8 大家記得去日本前用熟佢黎plan行程呀! -------------------------------- 由長堀橋站用左1個鐘終於黎到環球影城! 我地上年去左新加坡的Universal Studio, 詳情睇去新加坡嘆 之Day1b (Vivo City,聖淘沙,環球影城) 大阪的環球影城係更大、更多人、更貴呀! 一出地鐵站就已經好有Universal Studio的感覺啦! 沿路都有好多餐廳、鋪頭! 終於行到黎門口啦!USJ今年係15週年! 當然要係Universal經典logo前面影相打卡先入場啦! ---------------------------------------- 我地早係3月份就已經係USJ官網到買定飛啦, 我地6月15日去, 入場卷:7,400円+快證Express 7:6,900円=14,300円一人 當時兌7算,加埋大約每人$1000港紙。 上網買完就會各有個QR code, 入場、用快證,都係用電話show QR code就得! (穩陣D記得print 埋hard copy,以防電話無電呀!) 我地買埋Express 7係因為有7個遊戲可以唔洗排隊, 慳番D時間!(聽人講熱門的遊戲要排一個鐘以上!) 不過唔係個個遊戲都可以用快證, 佢有D限制ge, 詳細可以睇下官網https://www.usj.co.jp/hk/ticket/express_pass.html 我地就買左環球Express®門票 7 ~ 飛天翼龍 ~ 張飛就包左以下的遊戲唔洗排隊: 1. 哈利波特禁忌之旅 in 4K3D 2. 鷹馬的飛行 3. 飛天翼龍 4. 蜘蛛俠驚魂歷險記 乘車遊 4K3D 5. 荷里活美夢·乘車遊 或 浴火赤子情 (我地揀左荷里活美夢·乘車遊 ) 6. 侏儸紀公園・乘船遊 或 大白鯊 (我地揀左大白鯊 ) 7. 魔鬼終結者 2:3-D 此外大家都要留意有咩遊戲暫停開放! 當時侏儸紀公園・乘船遊、太空幻想列車都暫停開放! 另外回到未來 - 乘車遊都已經係2016年5月31日關閉左。 記得係旅行前就要plan定玩D咩&路線, 否則就會哂曬D時間架啦! 呢個係我地玩左的路線圖,我地入園後由右手面開始玩到左手面。 以下係詳細路線~ 1. (荷里活區)荷里活美夢-乘車遊* 2. (親善村)大白鯊 3. (環球奇境)Hello Kitty夢幻蛋糕杯 4. 11:30am 入Harry Potter區 5. 11:50am (Harry Potter) 哈利波特禁忌之旅 in 4K3D* 6. 12:20pm (Harry Potter) 鷹馬的飛行 7. (Harry Potter) 三根掃帚餐廳食lunch 8. 2:00pm (侏羅紀公園)飛天翼龍* 9. (舊金山區)浴火赤子情 10. (紐約區)蜘蛛俠驚魂歷險記-乘車遊 4K3D* 11. (紐約區)魔鬼終結者 2 : 3-D 12. (荷里活區) Kyary Pamyu Pamyu XR 飛車* Cool Japan USJ分左唔同的區域,括號入面係遊戲所屬的區域。 某D有時間係因為買fast pass個陣, 就要揀定入Harry Potter區、玩哈利波特禁忌之旅、鷹馬的飛行&飛天翼龍的時間啦! 到時set定鬧鐘,唔好遲到入去玩呀! 打左*都係我覺得好玩的遊戲! -------------------------------- ------- 1. 荷里活美夢-乘車遊 有得揀歌黎聽的過山車,一入園就玩幾刺激的過山車,搞到之後個D遊戲都顯得無咁恐怖。荷里活美夢-乘車遊格離有個倒轉的版本叫做荷里活夢幻過山車 - 逆轉世界,應該會更加刺激!但我地為左玩飛天翼龍,買fast pass個陣就唔揀逆轉世界啦。 點擊圖片放大 2. 大白鯊 呢個係坐住個船,然後有D食人鯊走出黎噴水、噴火,最後會入左個室內的地方。我地坐的位置咁岩係飲水位,估唔到玩第2個遊戲就搞到濕哂啦! 3.Hello Kitty夢幻蛋糕杯 原本玩完大白鯊plan去Harry Potter,點知仲有半個鐘的空檔,所以就黎到環球奇境(小朋友區 haha)玩下咖啡杯,無乜人排隊呀。 行行下見到有個鴨仔滑梯, 幾得意就拎住隻鴨仔去瀡滑梯啦。 4. 入Harry Potter區 11:30am 我地準時入到去Harry Potter區!入面非常多人, souvenir shop多人到行都行唔到! 當然要買番杯Butterbeer 啦,無酒精,而且甜到漏呀!1,400円 飲完會有白色鬚係個咀度 5.哈利波特禁忌之旅 唔單止係戴住副3D眼鏡睇戲咁簡單,坐緊個坐位係不斷地郁,升高升低,不同角度,有快有慢,仿如置身於哈利波特電影情節入面,係霍格華茲校園上不停穿梭,非常緊張刺激!必玩! 6.鷹馬的飛行 呢個係BB版的過山車,好慢,用黎做中場休息,而且欣賞下Harry Potter區的風景。 7.三根掃帚餐廳食lunch 首先排隊買餐,買完職員就會幫你搵位啦。每個餐都有個大粟米,個餐唔係話好好食,但就幾特別咁啦。總共食左4,260円,價錢算係咁啦。 8.飛天翼龍 食飽飽就行陣,到左2點鐘就黎玩飛天翼龍,呢個係新遊戲黎,所以特別多人排,有Fast Pass排一陣都有得玩啦。雙腳會離地,個座位會45度斜地地,就好似比條龍爪住你,飛黎飛去的感覺,都幾特別,又係必玩! 9.浴火赤子情 呢個我地無諗住玩,但見到時間充裕,所以就排隊玩下,佢係模擬電影Back Draft浴火赤子情的火災場面。全程20分鐘,15分鐘都係講日文,唔知講咩,最後會去到一個工廠的環境,重現火災場面,雖然距離好遠,但都feel到好熱的感覺。如無時間,大家都唔洗玩呢個。 10. 蜘蛛俠驚魂歷險記 呢個都係同哈利波特禁忌之旅相似,唔單止係戴住副3D眼鏡睇戲咁簡單,坐緊個坐位係不斷地郁,升高升低,不同角度,有快有慢,仿如置身於蜘蛛俠電影情節入面,非常緊張刺激!必玩! 11.魔鬼終結者 2 : 3-D 電影Terminator的表演,全程30分鐘。頭5分鐘睇Terminator的片段,講日文。接著的10分鐘,有位著空姐服裝的演員表演棟篤笑,全程日文。最後15分鐘,終於入場,入面係一個劇院,一班演員模仿電影的情節。頭15分鐘都係日文聽唔明係會好悶,入場後演員的表演都幾精彩。有時間先去玩啦。 12.Kyary Pamyu Pamyu XR 飛車 呢個係屬於Universal Cool Japan 2016限定的遊戲!係一個XR 室內過山車,玩個陣會戴上VR虛擬3D眼鏡,就好似進入左色彩繽紛的卡通世界咁,雖然畫面咁卡通,但個過山車都幾刺激。可惜玩到一半遊戲故障,暫停左幾分鐘,過山車開番個陣,我個畫面仲hand左。。。但係過山車係刺激的,但無左視覺效果!好可惜! 最後幫朋友買呢個Eva 初號機, 入面係裝爆谷, 個朋友叫我地食哂D爆谷, 運Eva 番香港比佢。 佢可以掛住係身上,3,980円,都幾貴架。 Universal Studio Japan之旅就結束啦, 下篇blog繼續講Day 2夜晚食左D咩! 其他文章: 去大阪玩 之 出發前先興奮 去大阪玩 之 Day1a(電話卡,兌錢,買ICOCA卡) 去大阪玩 之 Day1b(大阪城,黑門市場,固力果廣告板,Pablo) 去大阪玩 之 Day1c (新世界元祖串,章魚燒) 去大阪玩 之 Day2a(環球影城Universal Studios Japan) 去大阪玩 之 Day2b (東心斎橋,遠離遊客區食好西) 去大阪玩 之 Day3a (浴衣體驗,京都清水寺) 去大阪玩 之 Day3b (京都清水寺,浴衣體驗,釜座,丸善,Dalloyau,沾麵) 去大阪玩 之 Day4a (京都伏見稻荷大社,千本鳥居) 去大阪玩 之 Day4b (奈良,進擊的鹿,梅田Grand Front Osaka) 去大阪玩 之 Day5 (關西機場手信,JR大阪locker,Luke’s Lobster) 去大阪玩 之 住宿篇(Best Western大阪心齋橋) 去大阪玩 之 住宿篇(Intercontinental Osaka)