6月13號至18號去左日本大阪玩5日, 我地今次搭Jetstar,亦都係我地第一次搭廉航 haha 機票 $1204.8 x2 揀位 $40 x4 (2人來回) 20kg行李 $190 x2 (1人來回) 總共兩人 $2949.6 之後我地擔心20kg兩個人唔夠用,然後回程就加到40kg行李 lol, 加加埋埋最後總共兩人係$3239.6 但最後回程我地只係用左30kg炸 (早知就唔買40kg咁多啦) 我地今次搭凌晨機去,9:30 p.m.上機 2:10 a.m.到大阪 由於我地無買飛機餐,所以我地打算早D去機場食個dinner先上機。 我地6點3到就到左機場 發現Jetstar check in 櫃台都未開lol 然後我地磅下行李 去下廁所 6:30p.m 櫃台終於開啦!! 我地先知道櫃台係班機起飛前3個鐘先至開!!以後都唔洗早太多到機場! 入左禁區後 我地就去左近40閘口的Plaza Premium Lounge 食野 40閘口的Plaza Premium Lounge的環境都唔錯 可以望住一排飛機景食野 葡撻係幾好食 食埋甜品 飽飽好滿足!走得! 當時機場有個限時優惠, Download「我的航班」個app, 然後去36閘口附近的旅客服務中心登記, 就有$20機場商店的現金券, 可惜而家應該無左個promotion啦! 行左陣都唔知$40買咩好, 最後係萬寧買左個剃刀係日本用啦, 仲送左喜療疤sample添! 話時話,機場萬寧同出面的價係無分別!唔會特別貴D! 大家發現帶漏野都可以係機場萬寧買。 臨近暑假機場真係特別多promotion! 個陣用東亞信用卡係機場入面的Pacific Coffee,可以用$1買杯咖啡! 飽到簡直係捧住個肚上機!! 大家以後去旅行 記得上網搵下機場有無D咩優惠 筍野呀! 搞咁耐終於都上機! 第一次坐Jetstar, 比想像中無咁迫, 男朋友都坐得岩岩好夠位架! 我覺得Jetstar架機比其他airline 特別乾燥, 大家記得帶個水樽,入到禁區裝D水先好上機! 同埋帶D保濕的產品上機! 凌晨機真係只可一 不可再, 雖然機入面熄哂燈 但係根本訓唔著, 搞到Day1 係日本都無咩精神! 下篇blog會同大家講下落機之後係日本搞咩 :P --------------------------- 其他文章: 去大阪玩 之 出發前先興奮 去大阪玩 之 Day1a(電話卡,兌錢,買ICOCA卡) 去大阪玩 之 Day1b(大阪城,黑門市場,固力果廣告板,Pablo) 去大阪玩 之 Day1c (新世界元祖串,章魚燒) 去大阪玩 之 Day2a(環球影城Universal Studios Japan) 去大阪玩 之 Day2b (東心斎橋,遠離遊客區食好西) 去大阪玩 之 Day3a (浴衣體驗,京都清水寺) 去大阪玩 之 Day3b (京都清水寺,浴衣體驗,釜座,丸善,Dalloyau,沾麵) 去大阪玩 之 Day4a (京都伏見稻荷大社,千本鳥居) 去大阪玩 之 Day4b (奈良,進擊的鹿,梅田Grand Front Osaka) 去大阪玩 之 Day5 (關西機場手信,JR大阪locker,Luke’s Lobster) 去大阪玩 之 住宿篇(Best Western大阪心齋橋) 去大阪玩 之 住宿篇(Intercontinental Osaka)