上年表姐係台灣結婚,所以舉家去台灣參加婚禮兼去旅行。 除左我地一家之外,仲有澳洲同越南的親戚都會過黎台灣。 我地總共8個人一齊去玩,所以諗酒店都幾麻煩。 我地想搵間酒店位置方便,而且有足夠的房比8個人住。 最後就揀左 愛客發時尚旅館-萬年館 地址:台北市萬華區西寧南路70號6樓 位於萬年商業大樓(又名:萬年館)上面, 好近捷運站,落樓下就係西門町。 屋企人夜晚都會落樓下掃街食宵夜。 Photo from http://www.ecfa-hotel.com/wannien.php 我地去到發現原來萬年商業大樓 有D似香港的旺中, 入到去都係D鋪頭仔賣衫,樓上有機鋪、戲院,地庫係美食街。 間酒店係萬年館的6樓同7樓,搭lift個陣都好驚間酒店會唔會好殘舊。 點知去到6樓打開門,就係一個好光鮮的Reception, 接待員都好有禮貌!! 另外大堂有水機、咖啡機,想飲可以去大堂禁杯黎飲!! Photo from http://www.ecfa-hotel.com/wannien.php 走廊都似模似樣,幾乾淨。 Photo from http://www.ecfa-hotel.com/wannien.php 我地經Expedia book左兩間4人房,包埋早餐。 我地由9月25至10月1日,住7晚,當時仲要係中秋節同埋大陸國慶, 除開平均每晚每間房$625.05,加埋稅,用埋Expedia的coupon code, 最後7晚加埋1間4人房$4594.16。 酒店分配左我地住6樓,兩間房係一齊, 我地見面傾計都好方便,過隔離房就搵到對方。 打開房門就係兩張雙人床,對住部電視,都幾夠大,唔會好迫。 房門隔離有個小bar台, 有夾萬、雪櫃、熱水壺、日用品。 床之間都有垃圾桶、紙巾盒, 台上有book車的資料,我地都book左3日車周圍玩同車我地去機場。 廁所都有足夠毛巾,幾乾淨。 唯一唔滿意的地方:唔係用卷紙!!! D廁紙好細張同薄,要用多幾張先夠。 左面係浴缸,而且有淋浴露、洗頭水。 酒店早餐 酒店係包埋早餐,餐廳係7樓,要用房卡先至去到7樓的。 我就無每朝食早餐,只係食左兩日,因為想訓多陣haha。 但我屋企人每日都有去食早餐。 Photo from http://www.ecfa-hotel.com/wannien.php 係自助餐的形式,種類唔係好多,但都還可以。 Photo from http://www.ecfa-hotel.com/wannien.php 兩次早餐食左的野...... 上面碟冷面幾好食,第2次早餐特登夾多D。 其實都仲有其他野食,例如肉燥飯,但我就寧願留肚食出面個D啦。 總括黎講,呢間酒店位置、服務都唔錯,每日都會有人打掃、refill d日用品,性價比都ok。 p.s.話說係9月28晚,超級颱風杜鵑打到黎台灣,我地個日邊度都去唔到, 好彩我地落到樓下都仲有少量的食肆開緊,我地個晚唔怕餓住個肚訓。 覺得呢篇blog幫到你,記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update! 其他文章: 《去台北嘆》系列 《去台灣嘆》系列