今次去新加坡分別住左兩間酒店, Marina Bay Sands同埋Ritz-carlton Millenia。 Marina Bay Sands我地係酒店個官網度book, https://booking.marinabaysands.com/booking/search 比Expedia之類的旅遊網都平。 我地係9月12號至13號住(1晚), Room Type係Premier Room Garden View, 房價SGD$569,Tax/Service Charges SGD$100.71,總共SGD$669.71。 我地決定去新加坡的時候已經好想住呢間酒店, 主要係因為酒店頂層船形的無邊際泳池!! 但係我地去之前1個月,酒店官網都一直無房, 我地又試過去旅行社book,網上不同途徑搵都係無房! 我地當時已經放棄,連airbnb都book埋, 點知係旅行前一個星期,即係9月4號, 發現酒店官網竟然有房,我地就立刻book左佢!! 感到好神奇,亦都覺得自己好瘋狂。 本身我地係book左Premier Room Garden View, 房內應該係向住Gardens by the Bay,望住D園林景。 但我地check in的時候,升左我地做Premier Room City View, 即係會望到新加坡的城市景! 我地當時暗地裡好開心 haha!! 然後bell boy就帶我地上房啦。 點擊圖片放大 間房好寬敞! 落地玻璃好大塊,可以完全睇到成個靚景。 可以見到榴槤形狀的Esplanade(濱海藝術中心)同埋蓮花形狀的ArtScience Museum 望向左係新加坡的商業大廈 係床上都睇到榴槤狀的Esplanade呢。 浴室都好大。 右面有個浴缸 左面就有兩度門。 其中一個係沖涼房。 另一度門係廁所 感覺成間酒店房都夠大,而且個景好正! 夜晚個景色都好迷人 第一日的夜晚上左去酒店的頂層 Infinity pool度游水(其實影相仲多過游水)。 感覺就好似係天空上游水 個度有3-4個泳池,水深都全部一樣,1.2米深。 泳池的人比我想像之中少,可以瘋狂影相haha。 新加坡在我腳下的感覺。 個景同酒店房望到的差唔多,不過係泳池望到係更廣闊,更遠,而且無玻璃阻擋住。 池邊有好多沙灘椅比泳客休息,而且仲有熱毛巾派,唔洗怕凍親。 第2日朝早都去左Infinity Pool度游水。 係酒店房著左泳衣,然後著浴袍同睡拖就出發上去泳池啦。 唔少得懶係嘆的pose 其實個泳池邊同外面仲有一段距離,無論你點跳起都唔會跌左出街。 我地不斷發明古怪的pose haha 當我地諗緊新pose的時候,有位著住全身黑衫的女人拎住部相機係泳池入面行過黎, 原來佢係酒店的攝影師想幫我地影相,我地當然say yes,我地都想有人幫我地影合照架啦。 於是攝影師就用佢部相機同我地影相,我地要照住佢的指示擺pose。 點擊圖片放大 攝影師總共影左38張相,佢比左個手帶我,隔20分鐘就可以去泳池隔離度睇番影左的相。 我地就知道係比錢買相個D技倆啦,我地都照去睇下影成點啦。 某幾張係影得幾好,其中一張仲影得超Romantic! 但係佢所有的package都好貴,我地諗住算啦,打算走人,點知個店員再比個更平的package。 Package包括: 揀一張相曬比你,同埋所有相的soft copy燒係隻CD度,價錢SGD$55,港紙約為HKD$309.44。 我地問有無齋soft copy賣,店員話無。 最後我地都買左。 呢張就係最romatic個張, 我地個表情係互望的。 曬左出黎好處就係可以即刻放上Instagram呃like啦。 另外想講的係,酒店房有TWG的茶包!總共有5包。 TWG係新加坡著名的茶葉牌子,我地一直想試下但又唔捨得買黎飲 (因為我地唔識嘆茶), 點知酒店竟然有呢! 我地飲唔出TWG同其他茶有咩分別,只係分到TWG茶包係用薄薄的紗裝住D茶葉。 總括黎講,Marina Bay Sands帶左個難忘的回憶比我地,特別係Infinity pool,大家去新加坡都可以去住呀。 ———————————————————————————————————- 想收到個blog最新update 記得like Facebook Page https://www.facebook.com/fatbjai.travel/ 其他文章: 大家可以係menu bar度揀《去新加坡嘆》的其他文章 去新加坡嘆 之Day1a (電話卡,兌錢) 去新加坡嘆 之Day1b (Vivo City,聖淘沙,環球影城) 去新加坡嘆 之Day2 (金沙購物中心,烏節路,牛車水,Maxwell Food Centre) 去新加坡嘆 之Day3 (Garden by the Bay, Merlion, 寄明信片, 機場shopping) 去新加坡嘆 之 住宿篇(Marina Bay Sands) 去新加坡嘆 之 住宿篇(Ritz-carlton Millenia) 《西歐五國星馬畢業遊》 行程篇 (27日景點行程分享,機票資料) Day21 (點係香港機場hea遊4個鐘,新加坡酒店篇,Fragrance Hotel - Crystal) Day22 (新加坡酒店篇,Four Seasons Hotel Singapore,Grandma's新加坡菜,三巡海南雞) Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點) Day24 (新加坡,Garden by the Bay,天天海南雞飯,小印度,哈芝巷) Day25 (樟宜機場退稅,馬印航空去吉隆坡,亞羅街,Shangri-La酒店分享) Day26 (Berjaya Times Square室內樂園,雙子塔,新峰肉骨茶) Day27 (吉隆坡影相打卡必去Kuala Lumpur City Gallery,茨廠街,保記沙河粉) Day28 (吉隆坡馬印航空番香港,退稅,吉隆坡Plaza Premium Lounge) 新加坡新地標 - Jewel 星耀樟宜+全世界機場內最高的瀡滑梯