Day 1上半日可睇番去新加坡嘆 之Day1a (電話卡,兌錢) 酒店check in左之後,我地搭地鐵去Harbourfront 站,個度有個商場叫做 Vivo City。 我地當然醫醫肚先至去聖淘沙啦。 我地去左間餐廳叫Thai Express度食lunch。 地址:Vivocity, 1 Harbourfront Walk, #B2-30 Watermelon Lime Freeze SGD$6.2 ,無乜特別,有D貴。 Thai Laksa with Seafood in Jade Green Gravy SGD$10.3 男朋友覺得唔錯 幾好食。 Chicken with Potato in Red Curry SGD$10.3。 味道係唔錯的 但好辣 所以叫左杯野飲。 間餐廳都坐得舒服! 埋單除左要10%服務費,仲要加7%的稅,總共SGD$31.54。 其實係新加坡買野食野都要比7%稅,有時D鋪頭都會寫明價格已經包括左7%稅,咁買野就唔洗計住計住確實要比幾錢啦。 食完野我地就上Vivo City 3樓搭Sentosa Express入聖淘沙。 張Singapore Tourist Pass係唔可以用黎搭Sentosa Express,所以我地要買飛啦。 張飛係咁的樣,每張SGD$4,可以係聖淘沙上面無限次搭Sentosa Express。 Sentosa Express有4個站, 分別係Sentosa Station->Waterfront Station->Imbiah Station->Beach Station。 我地上車的站叫Sentosa Station。 架車細細架,大概有兩卡。 我地搭一個站到Waterfront Station去Universal Studio,大概搭5分鐘就到。 到左Universal Studio門口,指定動作。。。影相先! Universal Studio入場費原價要SGD$74,around HKD$413, 但係我去之前係Expedia買定 然後print番張receipt係Universal Studio兌換番張飛 只係HKD$363.86。 其實新加坡好多入場門票都可以上旅遊網買定,或者係牛車水D旅行社買,都會平過去到先買架! Sesame Street Spaghetti Space Chase Sesame Street Spaghetti Space Chase 掛住玩都無乜影到相! 我地入到Universal都已經4點鐘,本身就7點先完,但去到先知個晚Universal有活動,6點就完啦! 當然好失望啦,之前上網聽人講Universal玩3個鐘都夠哂, 而家得番2個鐘我地就skip souvenir shop,排隊個陣plan定玩D咩同路線! 我地最後都玩左5個attractions: 1. Sesame Street Spaghetti Space Chase: 我地首先去到New York區,見到芝麻街好得意就走左入去玩啦,個ride有D似Disneyland的迷離大宅,個故事就係芝麻街D公仔去追番失蹤左的意粉。適合一家大細,同鐘意芝麻街的朋友。 2. TRANSFORMERS The Ride: The Ultimate 3D Battle Transformers 係Sci-Fi City區,呢個ride係超正!唔單止係戴住副3D眼鏡睇戲咁簡單,坐緊個坐位係不斷地郁,升高升低,不同角度,有快有慢,仿如置身於電影節入面,非常緊張刺激!係Universal入面我最鐘意的機動遊戲!不過我排左勁耐 幾乎45分鐘先有得入去玩! 3. Revenge of the Mummy Mummy係Ancient Egypt區,佢係室內的過山車,佢有急速轉彎,失驚無神快速向後行,又有4D原素,e.g.火球場景 會覺得好熱,都好刺激,必玩之一! 4. Jurassic Park Rapids Adventure 侏羅紀公園係The Lost World區,佢係一個水上的遊戲,坐係一個圓形的船係水上面漂流,沿途會有唔同的機械恐龍,有D會向你射水。河道上面的水比海洋公園的滑浪飛船更加急速,D水好易就會彈入黎船度,都幾易整濕身體某D部分。玩完出面都有D吹風機比人吹乾件衫,唔洗怕整濕D衫。 5. Enchanted Airways 呢個ride係Far Far Away區,係岩小朋友同大人一齊玩的過山車,呢個區無乜特別野想玩,所以就排下呢個BB版的過山車。 當時好想玩我地身後面,位於Sci-Fi City區的Battlestar Galactica: HUMAN vs. CYLON,但係我地玩完Transformers之後,個過山車就壞左!個過山車望落去好刺激恐怖,個度其實係兩個過山車黎,分別係藍色的track同紅色的track! 當臨完場的時候,個過車山又開番,我地當時係Madagscar區,諗住行過去玩,但係工作人員要清場,唔比我地行去其他區啦!!玩唔到呢個過山車真係好可惜! 而且,為左玩呢個過山車,我地個陣skip左Madagscar區,但我地出左Madagscar區,就唔可以入番去,因為個陣工作人員要清場啦。 我地只可以係近門口的Hollywood區度停留,但個個區其實無機動遊戲,得D souvenir shop。我地只好係個度行下街影下相先走。 同Stuart影相 :D Unicorn...! D shop都好多人 好迫! Universal Studio同Disneyland賣的souvenir 種類都差唔多,唯一特別的係呢度有仿奧斯卡的金像獎,但拎的獎係"World Greatest Boyfriend/ Girlfriend",仲有其他獎架,但我已經唔記得啦。 最後買左D postcard寄比朋友!我幾乎揀哂minions,因為佢地太得意啦! SGD$10,有8張!都唔貴! Universal Studio就玩完啦! 之後我地就去左Universal Studio隔離個food court食野,food court叫做Malaysian Food Street。 個food court入面裝修到好似古舊的街道咁。 我地食呢間甘榜椰漿飯。 甘榜椰漿飯 SGD$5 其實D椰漿味都比啡色個D醬掩蓋住,但係個D醬、花生同魚乾用黎撈飯係好好味! 食完個tea我地搭Sentosa Express 去Imbiah Station。 呢度有個Merlion觀景搭,我地無上到去,只係係下面度影相。 行遠D再影。 Sentosa+Merlion 頸渴係7仔買左支野飲,Calamansi juice, SGD$1.7。 上網搵到Calamansi個中文係酸柑。飲落去似檸檬汁D fd,好飲! 之後我地就搭番Sentosa Express去Vivo City,然後搭地鐵去牛車水。 我地係Chinatown站 Exit G出,個度有個商場叫做Chinatown Point唐城坊, 一出 Exit G就係唐城坊的B1個層, 我地去個層的Fairprice 超級市場買D野食返酒店! 地址:133 New Bridge Road, #B1-01 Chinatown Point, Singapore 059413 其實大部分Fairprice買到的野香港都有得賣。 椰子啫喱仔,SGD$2.55 好有椰子味! 百勝廚叻沙拉麵,SGD$9.95,有4包。 連續N年都係The Ramen Rater’s Top Ten Instant Noodles,甚至係2013年上過呢個十大即食麵排名榜第一名!叻沙味好正,拉麵又好好咬! Cup Noodles 叻沙味,麻麻地。SGD$1.25 兩隻味其實差唔多,但我鐘意Roasted多D,唔知點解。SGD$1.25 Kotex護墊,生理需要所以買,比香港的厚同大塊,SGD$1.99。 總共係Fairprice買左SGD$19.9。 我地買完野就番酒店,然後去酒店頂層個Infinity pool度游水,遲D會詳細講下個泳池! 游完水就整左個百勝廚叻沙拉麵黎食,然後就沖涼訓教啦! Day 1完! ———————————————————————————————————- 想收到個blog最新update 記得like Facebook Page https://www.facebook.com/fatbjai.travel/ 其他文章: 大家可以係menu bar度揀《去新加坡嘆》的其他文章 去新加坡嘆 之Day1a (電話卡,兌錢) 去新加坡嘆 之Day1b (Vivo City,聖淘沙,環球影城) 去新加坡嘆 之Day2 (金沙購物中心,烏節路,牛車水,Maxwell Food Centre) 去新加坡嘆 之Day3 (Garden by the Bay, Merlion, 寄明信片, 機場shopping) 去新加坡嘆 之 住宿篇(Marina Bay Sands) 去新加坡嘆 之 住宿篇(Ritz-carlton Millenia) 《西歐五國星馬畢業遊》 行程篇 (27日景點行程分享,機票資料) Day21 (點係香港機場hea遊4個鐘,新加坡酒店篇,Fragrance Hotel - Crystal) Day22 (新加坡酒店篇,Four Seasons Hotel Singapore,Grandma's新加坡菜,三巡海南雞) Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點) Day24 (新加坡,Garden by the Bay,天天海南雞飯,小印度,哈芝巷) Day25 (樟宜機場退稅,馬印航空去吉隆坡,亞羅街,Shangri-La酒店分享) Day26 (Berjaya Times Square室內樂園,雙子塔,新峰肉骨茶) Day27 (吉隆坡影相打卡必去Kuala Lumpur City Gallery,茨廠街,保記沙河粉) Day28 (吉隆坡馬印航空番香港,退稅,吉隆坡Plaza Premium Lounge) 新加坡新地標 - Jewel 星耀樟宜+全世界機場內最高的瀡滑梯