之前玩遊戲贏左Airbnb的現金券, 所以今次黎台中玩就用左Airbnb book 住宿。 Airbnb係一個平台比房東去出租自己的房間比旅客住, 所以大家係Airbnb會搵到一 d獨特的房源, 房源一般都係類似民宿、小型旅館或者公寓。 點擊圖片放大 最後我係Airbnb揀左呢間房,叫做 "EzStay #02 - Taichung City Central" D相望落去幾大 而且簡約舒適, 加上位置方便(綠色星星係旅館位置),近第二市場、洪瑞珍中山店、太陽餅街, 所以就立即Book左佢啦! 我租住的日期係13/6(六)-14/6(日) 一晚, 價錢係HKD$551+ Airbnb服務費HKD$64 =總共$615。 其實以租住呢D旅館黎講 $615其實都幾貴! 但係見到D相都影得幾靚, 心裡面說服自己1分錢1分貨呢。 ---------------------------------------- 旅行當日根據地址去到旅館門口,發現旅館原來叫做豪宮大飯店,而唔係EzStay。 而且Lobby/Reception 同Airbnb張圖好唔同!我曾經以為自己去錯地方! 另外,check in個陣,reception位嬸嬸掛住傾電話完全無視我地, 我地企定定係度 佢傾完電話 搞左陣之後 佢先幫我地check in。 點擊圖片放大 Check in完就上去我地間房啦, 入到房後發現同我地expect的房有好大出入! 間房的間隔同相唔同 而且細D, 家俬都幾簡陋,上圖張飯台係好唔穩陣,張台搖下搖下的,放多D野都怕佢塌落黎。 另外個衣櫃非常細小(我唔記得左影相),大概只可放到兩件衫。 --------------------------------------- P.S. 上番Airbnb睇原來個reception比錯左房我, 我book EzStay#02,但佢比左EzStay#01我! 以下係EzStay#01係Airbnb的圖。 個衣櫃係掛牆的,長少少或者大件少少的衫都放唔到入去! ---------------------------------------- 雖然間房幾簡陋,但D日用品都好齊全。 有毛巾、拖鞋、紙巾、牙膏、牙刷、紙杯、水...... 廁所都有紙巾、風筒、淋浴露同洗頭水。 ------------------------------- 總括而言,住黎講呢間房都尚算OK。 但性價比好低,唔值$615晚。 最重要係!!!!呢間飯店係門口list左房價, 價格為NT$1680(假日),NT$1180(平日),即約HKD$420(假日),HKD$295(平日)。 我當時見到D房價呆左,點解Airbnb會收我咁貴? 我剛剛係google search 豪宮大飯店,發現Booking.com同Agoda都平過Airbnb!! 只能說屋主將大飯店扮成小型旅館,然後改飯店名係Airbnb賣貴D :'( 呢D陷阱好難預防同避免到, 我諗大家可以用地圖功能 係Airbnb同其他酒店網 睇下兩個網站想住的area有無相似的酒店! 不排除其他人都會將大飯店改成好似民宿/小型旅館的名字,然後係Airbnb賣貴D! 下篇繼續"去台灣嘆 之 Day2" ---------------------------------------------------------------------------------------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 大家可以係menu bar度揀《去台灣嘆》的其他文章 去台灣嘆 之 Day1 (長榮航空,桃園機場去台中, 逢甲夜市) 去台灣嘆 之 Day2 (第二市場,太陽餅街,宮原眼科,台中去台北,蘋果工房) 去台灣嘆 之 Day3 (礁溪,宜蘭,溫泉魚,Afternoon Tea) 去台灣嘆 之 Day4 (永康街,度小月,府城,天天利) 去台灣嘆 之 台中住宿篇(理想與現實,Airbnb中伏) 去台灣嘆 之 台北住宿篇(凱撒大飯店) 去台灣嘆 之戰利品篇 《去台北嘆》系列 一家去台北 之 住宿篇