[香港好去處] 12個香港露營地點推介(含交通資料) 今年秋風剛起，真係令人好想去親親大自然! 唔知大家有冇諗過去露營? 試想像下，喺一個無害嘅星空下，一邊煮野食，一邊吹下海風，再一邊睇下漫天星星…幾咁有「對酒當歌，人生幾何」之勢~ 可能你會覺得露營冇涼沖、冇啖好食、要就地去廁所、會有賊……而家唔係咁樣架喇~ 有啲CAMPSITE仲有沖涼設施同埋保安24小時睇住! 至於食，小編上星期去浪茄WILDCAMP煮左青口意粉同香煎羊架，同屋企煮食質素有得揮! Travel Fever 知大家可能唔係咁熟香港露營地點，特登為大家精選左12個CAMPSITES比大家參考，其實香港郊野公園唔單只係一個公園，而係大家嘅假日樂土，ENJOY IT!! _________________________________________________________ 資料來源:自遊狂熱-全球特色local Tour專家 我們的WEBSITE: www.travelfever.com.hk 我們的Facebook 專頁: https://www.facebook.com/travelfever.com.hk Copyright © 2011-2013 TravelFever. All rights reserved. 地區 士多 沖涼 設施 燒烤爐 車位 管理員 涼亭 水源 廁所 白臘 西貢 ★ ★ 水喉 旱廁 浪茄灣 西貢 ★ 水喉 旱廁 籮箕灣 大嶼山 ★ ★ 溪澗 旱廁 東龍洲 離島 ★ ★ ★ 水喉 旱廁 水浪窩 西貢 ★ ★ 水喉 標準洗手間 大灘 西貢 ★ ★ 水喉 標準洗手間 灣仔西 西貢 ★ ★ 水喉 標準洗手間 灣仔南 西貢 ★ ★ ★ 水喉 標準洗手間 鶴藪 粉嶺 ★ ★ ★ ★ 水喉 標準洗手間 鹹田灣 西貢 ★ 水喉 標準洗手間 東平洲 離島 ★ ★ 溪澗 旱廁 天文公園 西貢 ★ ★ ★ 水喉 標準洗手間 Table 1. 營地設施比較 星星 草地 日出 風箏 沙灘 白臘 ★★★ ★ ★ ★ 浪茄灣 ★★★ ★ ★ ★ 籮箕灣 ★★★ ★ ★ ★ 東龍洲 ★★ ★ ★ ★ 水浪窩 ★ 大灘 ★ 灣仔西 ★★ ★ ★ 灣仔南 ★★ ★ ★ 鶴藪 ★★ 鹹田灣 ★★★ ★ ★ ★ 東平洲 ★★ ★ ★ 天文公園 ★★★ ★ ★ Table 2. 營地適合活動比較 1. 白臘/白腊營地 特色: 水清沙幼，座落喺地質公園旁邊，去CAMP又可以睇下地質，有士多SUPPORT，帶漏野都唔駛驚啦! 位置: 萬宜水庫萬宜路白臘村，(西 貢 東 郊 野 公 園） 交通: 巴士｜94(西貢市中心至黃石碼頭)/ 96R(鑽石山巴士總站至黃石碼頭)/T6(小西灣出發) 小巴｜7號(西貢市中心往海下專線小巴) 於北潭涌下車，步行(需時2小時) 或轉乘的士到白腊村口，沿小路前往營地 的士｜乘的士到白腊村口，沿小路前往營地 2. 浪茄灣營地 特色: 浪茄水清沙幼就出哂名，冇士多冇民居雖然冇得補給，但你會享受到最天然的環境，冇光害的星空 位置: 浪茄灣（西 貢 東 郊 野 公 園） 交通: 巴士｜94(西貢市中心至黃石碼頭)/ 96R(鑽石山巴士總站至黃石碼頭)/ 698R (小西灣出發) 小巴｜7號(西貢市中心往海下專線小巴) 於北潭涌下車，步行(需時3小時) 或轉乘的士到東壩涼亭，沿麥理浩徑前往營地 的士｜乘的士到東壩涼亭，沿麥理浩徑前往營地(約需30-45分鐘) 點擊圖片放大 3. 籮箕灣營地 特色: 沒有貝澳的熱鬧，多了寧靜的漫天星空 位置: 南大嶼郊野公園，鄰近大嶼山水口村 交通: 巴士｜由東涌市中心乘11號往大澳或乘23號往昂坪巴士；或由梅窩乘1號往大澳或乘2號往昂坪巴士，在水口村站下車，沿鳳凰徑第九段逆行前往（往石壁方向），步行約25分鐘，便可抵達營地。 4. 東龍洲營地 特色: CAMPING 兼環島遊首選，一次過滿足哂行山露營2個願望; 船程短，返港島/九龍都得，非常方便 位置: 東龍島 交通: 在油塘三家村碼頭上船到東龍島，下船出碼頭後沿左面小路行約15分鐘到士多，士多後面沿小路上草坡，或沿指示到官方營地。船期:http://goo.gl/lycxSC 5. 西貢灣仔西營地 特色: 全港最豪華營地;有沖涼房;有特大草地; 最岩一家大細; 每逄假日都好熱鬧，相信唔駛驚安全問題; 新手必去 位置: 西貢灣仔半島西營地 交通: 小巴｜西貢碼頭乘坐7號小巴，到海下村總站下車後步行約20分鐘 街渡｜星期六、日及公眾假期，黃石碼頭往灣仔及赤徑(9:50AM開始，每小時一班) 6. 西貢灣仔南營地 特色: 同灣仔西一樣，全港最豪華營地;有沖涼房;有特大草地; 最岩一家大細; 每逄假日都好熱鬧，相信唔駛驚安全問題; 新手必去 位置: 西貢灣仔半島南營地 交通: 小巴｜西貢碼頭乘坐7號小巴，到海下村總站下車後，沿大灘郊遊徑步行約45分鐘便可抵達營地 街渡｜星期六、日及公眾假期，黃石碼頭往灣仔及赤徑(9:50AM開始，每小時一班) 7. 水浪窩營地 特色: 交通方便，適合駕車人士; 巴士站旁邊，星期五晚放工心血來潮想去CAMP都可以去嘅地方 位置: 水浪窩（馬鞍山郊野公園） 交通: 巴士｜由西貢市巴士總站中心或沙田市中心乘299號巴士，在水浪窩下車。沿旁前行，經麥理浩徑第四段起點行約20分鐘，便可抵達營地 8. 大灘營地 特色: 交通方便，有巴士直達 位置: 大灘 (西 貢 西 郊 野 公 園) 交通: 巴士｜由西貢市巴士總站乘94號或假日及公眾假期由鑽石山巴士總站乘96R號往黃石碼頭巴士，在大灘下車。 9. 鶴藪營地 特色: 傳統童軍/山藝必去營地，可以早少少入去起完營去行下水塘甚至行下山 位置: 鶴 藪（八 仙 嶺 郊 野 公 園） 交通: 小巴｜在粉嶺港鐵站乘坐52B號往鶴藪專線小巴，於鶴藪村總站下車。沿鶴藪道往鶴藪水塘前行，步行約15分鐘，便可抵達營地 10. 鹹田灣營地 特色: 大浪四灣之一，水清沙幼; 有士多SUPPORT，可以揹少啲野食; 無論由西灣亭定北潭凹入去都要行山，不過行得幾辛苦，個景就有幾靚，值得架!! 位置: 西貢東郊野公園鹹田灣 交通: 北潭凹出發 巴士｜94(西貢市中心至黃石碼頭)/ 96R(鑽石山巴士總站至黃石碼頭)/ 698R (小西灣出發) 小巴｜7號(西貢市中心往海下專線小巴) 於北潭凹下車，沿著麥理浩徑第二段往赤徑方向，經過赤徑、大浪坳，步行約2小時，便可抵達鹹田灣營地 西灣亭出發 坐村巴/的士到西灣亭下車，沿行山徑經過呎筒坳、西灣，步行約兩小時到鹹田灣營地 11. 東平洲營地 特色: 地質公園，東平洲是香港最北及最東的小島。但交通不便，只在星期六及日先有小輪(翠華渡輪)到達; 對面就係深圳南澳 位置: 東平洲 交通: 星期六及星期日在大埔馬料水碼頭乘搭翠華渡輪去東平洲(http://goo.gl/lycxSC) 注意事項 此處為地質公園，請各遊人要更注意保護 12. 天文公園 特色: 一路睇星一路CAMP你試過未? 天文公園係香港第一個以天文為主題的公園，園內有齊天文觀察配套，全年24小時開放，仲有保安員24小時駐守，超安全! 不過記住要申請先可以去架! 位置: 西貢萬宜水庫西壩創興水上活動中心 交通: 巴士｜94(西貢市中心至黃石碼頭)/ 96R(鑽石山巴士總站至黃石碼頭)/ 城巴698R (小西灣出發至黃石碼頭) 小巴｜7號(西貢市中心往海下專線小巴)/ 9號(西貢至麥理浩夫人度假村) 於北潭涌下車，再乘坐的士約十五分鐘抵達天文公園 街渡｜在西貢碼頭自行安排街渡往返天文公園 的士｜乘的士往返天文公園 注意事項 如需露營需事先向康文署申請 (http://www.lcsd.gov.hk/CE/Museum/Space/Astropark/astropark_intro.php) —————————————————————– 資料來源:自遊狂熱-全球特色local Tour專家 我們的WEBSITE: http://www.travelfever.com.hk/ 我們的Facebook 專頁: https://www.facebook.com/travelfever.com.hk Copyright © 2011-2013 TravelFever. All rights reserved.
