一直都好想食印度菜 咁啱朋仔仔話她公司附近有了間印度菜 為食的我即刻約她開餐喇 !!! 一坐下店員送上一籃印度胡椒餅連三款醬料 印度胡椒餅咸咸地,又薄又脆,我鍾意不點醬就咁食 我和朋友仔都鍾意食羊,先點了客羊肉的前菜 ... 羊肉咖哩角 Mutton Samosa HK$40 油炸的三角酥裡面包著免治羊肉、青豆和堅果,一點都不油膩 免治羊肉加入了印度香料遮掩了羊肉的羶味,點少少酸辣醬一起食仲好味 印度菜當然要食咖哩和印度薄餅,點了客店員推介的 ... 瑪莎拉咖哩雞 Chicken Masala HK$112 + 牛油薄餅 Butter Naan HK$24 瑪莎拉咖哩雞是由多種印香料混合而成的濃醬煮燉雞 份量很足,有很多大大件的雞塊,雞肉入味又嫩滑 醬汁香濃微辣,啱哂不太吃得辣但又鍾意咖哩辛香味的我 牛油薄餅外面烘至焦脆,中間軟靭又帶點牛油和咸香 配香濃的咖哩一起食,真是絶配 卡麗咖哩蝦 Prawn Anarkali HK$140 有點似西式的蕃茄濃湯,帶點酸甜,朋友仔鍾意配印度薄餅一起食 但是我鍾意就咁飲,一匙匙咁當蕃茄濃湯咁飲 ~~ 食飽飽,點了壼 ... 印度瑪沙拉茶 Indian Masala Tea HK$35 ... 慢慢嘆 餐牌寫著是一小壼拉茶的,但是來到個壼一點都不『小』 足足有 4 杯份量 ... HK$35 真是好抵飲 印度瑪沙拉茶的味道與港式奶茶不同 加入了多種香料一起調煮,除了有香濃的茶味,仲有聞聞香料味 奶味不太重,不會搶去茶香味,很啱我的口味 ~~ 樓上一樓午市的 Lunch Buffet 每位只是 HK$88,都幾抵食的 由於我們想慢慢嘆傾下偈,所以揀了樓下雅座單點食物 Curry Leaf Indian Cusine 香港 九龍 佐敦 荗林街 16-18 號 荗林商業大廈地舖 ** 以上分享是以我的口味、喜好和情況作出分享及感受,一試 / 合用與否請自行決定