【第一天 • 2015 年 7 月 26 日 • 星期日 • 橫濱】 玩了一天,返酒店放下戰利品後出去食晚飯 今早搵酒店的時候,記得附近有不少食店 還有幾間是我們至愛的燒肉店 我們至鍾意食燒肉,尤其是燒牛肉 我們不識日文,但睇來這間【関內 京城苑】應該是一間黑毛和牛的老店 有洋式的枱和日式的榻榻米枱任揀,兩隻小魔怪當然揀日式的榻榻米枱 一坐下就奉上凍茶和前菜 ... 還送了碟韓式辣泡菜比我們 地道日本人開的店,無中文餐牌,我們就看圖點餐 ... 咩都試下喇 !!! 點了燒肉必食的薄切牛舌 另外,點了 3 款牛,只知道有一款是牛胸腹,其它唔知是咩部位 ... 點擊圖片放大 幾款牛肉雪花分佈均勻,食落去有濃濃的牛味和豐富的油花,肉質軟腍又 juicy 不只有平時點開甜甜地的燒肉汁,還有白色這碟醋 老闆娘教我們將牛肉點少少醋食,無咁油膩的 ... 不過我都是鍾意點燒肉汁多點 食食下,見到牆上這張「王室献上」「世界最高」的 poster ... 又點了碟豚肉試下 睇落去似半肥瘦的梅頭肉 燒的時候已經聞到香味,食落去仲好有豬味 雖然厚切但是咬落去一點都不靭,肉質紮實,食起來有彈性和脆口 ... 好想 encore 多碟 関內 京城苑 燒肉 日本 神奈川縣 橫濱市 中區 住吉町 5-60 小松大廈 2 樓 〒231-0013 ** 以上分享是以我的口味、喜好及情況作出分享和感受,一試 / 合用與否請自行決定 2015 東京近郊 8 天親子遊 ... 行程篇 2015 東京近郊 8 天食買玩 ... 雪糕篇 2015 東京近郊 8 天食買玩 ... 到著篇 + 橫濱閒逛 2015 東京近郊 8 天食買玩 ... 橫濱美食 ... 三浦三崎港迴轉壽司 2015 東京近郊 8 天食買玩 ... Cup Noodles Museum ♥ 橫濱 2015 東京近郊 8 天食買玩 ... 橫濱 kawaii 小象雪糕 ♥ 象鼻公園