4/6-5/6同阿盧請2日假連埋weekend 4日去離島三日兩夜遊慶祝生日 第一日朝早瞓夠12點起身 1點出門口係大埔食午餐再撘E41去東涌 東涌消防局站落車過對面馬路直行就會見到富東商場 先係惠康買材料今晚燒嘢食同聽日煮早餐材料 小至調味料大至飲品 基本上所有嘢都要自備(除餐具) 冇錯！炭都係需要自備 醒目既我先打電話問原來營地附近士多有得買 最後買左$3xx野 BBQ食材；早餐食材；飲品；零食；調味料... 買完嘢就去商場隔離11號巴士既站頭 下次一定會行遠少少去總站上車 原來新大嶼山巴士就好似shuttle bus座位超級有限 天氣太熱怕食物變壞 係冇位情況下只好迫上車企 車程大約30 mins 山路又斜又多彎 車上人又多 要又顧住2大袋食物... 好艱辛既車程 幸好上車後有一位女仕示意分一半位比我坐 但周身痴立立既我拒絕左 點擊圖片放大 +2 落車後牛屎味撲面周地地雷 見到塘福泳灘落樓梯就見到一個荒廢咗既足球場就証明你到達喇!!! 大草地上除咗有牛屎，牛，仲有個小貨櫃 當我地繼續行前時 突然有個4眼叔叔叫停我地 示意要搵佢check in 入到貨櫃除咗有冷氣 仲有個壞消息等梗我地 原來我地車既水泵壞咗需要搶修 而我地只可以等... 相又影完耐性都用完 係米高(外國營地技工) 仲好努力搶修梗我提議先比我地入車放低所有嘢 換件衫去沙灘玩 點擊圖片放大 +2 沙灘就係營地附近 行過去只需5 mins 行過地雷路轉右經過公廁再轉左行小路落沙灘 哇！除左"哇"都唔知可以講乜 我終於見識到什麼叫水清沙幼 人唔多可以比我地大玩特玩 連平時不太喜歡沙灘既阿盧都樂而忘返 玩到黃昏肚仔開始感到餓 係時候番營地準備BBQ既材料 女主內男主外 食材check火爐check 由於四眼叔叔對水泵一事耿耿於懷 希望向我地作出補償 炭，錫紙，燒烤網等等都免費提供 食材有豬扒；雞翼；貢丸；腸仔；燒賣；麵包；棉花糖；自制蒜蓉牛油雜菇帶子 原本以為會唔夠食 點知最後食剩好多野(咪眼寬肚窄) 燒完野食收拾完野Hea完沖涼打算訓覺之際 比我見到最怕既「四腳爬爬」咁就度過左我一個充滿恐懼既一個與蛇同眠既晚上...... 更多有關露營車會另打一篇喔!
