訂車前需要先做會員 盛惠一佰大元 等對方confirmed 你既membership後就可以正式落訂 (半數) 露營車分為3種 大；中；小型車 細車(up to 2-4 adults) 平日$1200 假日$2000 中車(up to 2-4 adults) 平日$1300 假日$2200 大車(up to 4-6 adults) 平日$1600 假日$2700 聽講價錢漲價得好厲害 可能過多一個月價錢又唔同 會員做完訂比完 對方會email確認單比你 到時候check in先比尾數 TF Car camping Facebook Link 車數量暫時有7架 每架車前都有燒烤爐；餐枱；大垃圾桶 煮食方面：車內有雪櫃明火煮食爐；焗爐；餐具；杯碗碟；爐具；水煲 (唔想燒野食都可以享受煮飯仔樂) 其他設施：有冷熱水供應；冷氣機／暖氣；電視；HIFI；後備床上用品 需要自備：個人衛生用品(小至牙刷牙膏大至風筒)；拖鞋；毛巾 *必須帶備(建議)：蚊怕水(郊外地方必備)；雙飛人(頭暈肚痛)；香薰噴霧(廁所有點牛屎味)；濕紙巾(最好有幾多帶幾多)；備用膠袋(車上垃圾桶只有一個)；電筒(10:30pm前發現仲有野未買仲可以出士多買) BBQ必備：炭(可以係附近士多買)；蜜糖；調味料(腌食物)；錫紙(焗爐／BBQ都需要)；膠枱布；食物盒(BBQ時食物會惹蟻可以存放食物) 營地唔算好大 但麻雀雖少五臟俱存 有兒童遊樂場 可見一家大細都十分適合黎玩 入車前最好除鞋 但臨訓前最好將鞋放番入車 以免流浪狗／下雨／有昆蟲寄居 房間內唔可以食煙喔～房雖然細一眼睇晒 但唔會有狹窄感 梳化位可以變做梳化床 細枱可以變大枱 (四眼叔叔會教你如何變身) 雙人床超大 床褥比較軟 床鋪感覺乾淨 廁所比較焗而且近草叢 有一陣牛屎味(呢個時候香薰嚇霧用得著) 花灑水力弱 大致上乾淨 以上除左食得既 都有供應喔 煮食時車內需要空氣流通 (四眼叔叔會提你喔) 好! 黎張與車合照 車上大概就係咁 其實住一晚真係十分唔夠喉 但冇辦法啦～太搶手喇 唯有下次再黎玩過!! 一個好好既體驗 不妨去試下呢種新既露營樂!!
