自前兩篇「香港也能買到的平價日妝好物」後 好多朋友都反映好實用 同好抵 我自己亦都愛上左平價既日妝 加上人人為我 我為人人既心態 係依幾個月我都自購試用左唔少 當中有好多真係麻麻地 而以下依幾樣係我覺得真係好唔錯 可以推介一下 所以就寫左依篇PART3 希望可以介紹俾大家 有興趣就睇一睇啦 Bifesta高效眼部卸妝液 HK$39.90(Mannings) 每日都會用防水既MASCARA同眼線 所以我好堅持用眼唇卸妝液 而一支好既眼唇卸妝液應該係濕敷一陣 然後就可以好輕易卸乾淨先為之好 有一段時間我係好捨得咁用CDP同DIOR既眼唇卸妝 因為真係少少就可以卸得好乾淨 所以貴一貴我都覺得值 但長期落去唔係辨法 所以當我一見到Mannings做緊特價時 就同我FD一齊買左Bifesta黎試 結果好令人滿意 完全不輸專櫃品牌 濕敷一陣一抹就乾淨哂 而佢既價錢亦相對其他開架品牌平 特別係特價時 一支$40都唔駛 而原價都好似只係50幾蚊 難怪可以做到URCOSME既第一位啦 Dove潤澤深層潔淨卸妝油 HK$89.90(Mannings) DOVE一向用都係沖涼 或者洗頭既產品 而最近DOVE係香港就推出左首支日版既潤澤深層潔淨卸妝油 卸妝油注入左保濕美容精華液同速淨因子 可以輕鬆卸除濃妝同防水型睫毛膏 適合乾濕兩用 輕輕打圈按摩 用水一沖 所有野完完全全被卸除乾淨 抺乾後完全唔會油笠笠 亦都唔會好乾好繃緊 反而十分清爽 同有滋潤感 卸妝油有一定既厚度 唔會有一路按摩 一路流落黎既情況發生 味道係好清新既花果味 每次卸妝心情都好好 專科Perfect Whip濃密泡沬洗面膏 HK$29.90(Sasa) 見咁多人都好推介Perfect Whip既洗臉膏 我就決定買一支黎試下 確實唔錯既 洗臉膏加水好快就可以起到好多泡泡 洗臉時感覺亦算柔軟 用完皮膚保濕度OK 冇乾同繃緊既感覺 但佢既潔淨效果唔算強 如果係想針對黑頭粉刺深層清潔就唔岩啦 但如果只係平日普通洗臉既 就絕對係平價既好選擇 EAUDE MUGE Clear Lotion安黛抺肌淨膚水 HK$99.00(Sasa) 之前介紹過明色既美顏水去角質好好 但始終佢既西瓜霜味真係要閉氣 不過最近我就發現左EAUDE MUGE既淨膚水 佢既潔淨 去角質效果完全拍得住明色 而且味道好舒服 係好淡好淡既香味 皮膚污糟時抹完既綿花會變成暗黃色 而佢最正既係可以用黎濕敷 當出痘痘時可以局部用化妝綿濕敷幾分鐘 幫助鎮靜消炎 對去紅同保濕既功效都唔錯 針清完濕敷3-5分中 紅既位置會較易退 係我近期既愛用品 佢係URCOSME係排名第2位嫁 K-Palette24小時完美持久雙頭防水眉筆 HK$98.00(Sasa) 依支眉筆可算係我今次既最推介物 亦都係我有史以來用過最唔易甩色既眉筆 話說我一直都好想試依支眉筆 但因為佢一直都冇得試 所以我就冇買到 直到有一日我發現SASA有得試 我就即管畫下啦 發現都好易畫到同上色 但我即時冇買 因為屋企仲有好多眉筆 直至我反到屋企 用皂液洗左好多次手 發現佢都仲係好實色冇甩過咁濟 真係好SURPRISE 我即刻拎眼唇卸妝試下抹 又一抹就乾淨哂WO 我頓時感覺係要用神奇黎形容 個晚真係忍唔住要去買 之後試真係可以KEEP到成日冇甩 難怪佢叫1DAY TATTOO 而佢亦分為2個頭 筆個邊可以用黎勾畫細緻既眉尾 而海綿個邊就可以用黎掃出自然既眉頭 不得不提 我買既依隻限定色係適合所有顏色既頭髮用嫁 入邊仲附有一張畫眉既教學呢 菊正宗日本酒高保濕面膜7片裝 HK$30.00(Sasa) 之前都介紹過菊正宗既化妝水 菊正宗本身係產酒既 而佢地發現到保養肌膚既秘密係將酒直接搽係臉上 所以就研發左一系列日本酒既產品 原理其實同SKII差唔多 但價錢就當然差好多啦 依款係佢地粉紅色滋潤型既面膜 味道同化妝水差唔多 係清香既酒味 不過可能係因為敷係面到成10分鐘 所以覺得佢既酒味係比化妝水濃 而佢既質地輕透 雖然係滋潤型但感覺都好清爽 用完有唔錯既保濕效果 皮膚亦都淨透左 亦都唔刺激冇敏感既情況出現 Melano CC艾白淡斑維C保濕噴霧 HK$89.00(Mannings) 夏日天氣炎熱 容易出油出汗 好多人都會帶支補濕SPRAY出街補一補水 或者係補妝前用 依支維C保濕噴霧就係一支好推介啦 佢除左做到補濕之外 仲可以做到美白淡斑既功效 幫助抑制黑色素 預防雀斑同黑斑既形成 而且佢散發住淡淡既柑橘香味 岩哂日曬之後用黎REFRESH一下 除此之外 佢仲可以用黎做洗面後既化妝水 同沖涼後既全身美白補濕TIM 今次會送出3支EAUDE MUGE Clear Lotion 18ml試用裝 希望大家都可以試用一下 玩法好簡單 只要完成以下3點就可以啦 1) Like我既fb page : https://www.facebook.com/emmalovesbeauty 2) Like及Share Giveaway既post 3) 係Comment到分享俾3位朋友 截止時間係28/7/2016晚上11:59pm 我會隨機抽出得獎既朋友 係30/7/2016係我既FACEBOOK PAGE到公佈得獎者 然後就會聯絡你同將禮物寄俾你嫁啦! 請多多支持❤❤❤ 有興趣睇反之前2篇既朋友可以按以下網址 ❤ 香港也能買到的平價日妝好物 ❤ http://www.beautyexchange.com.hk/etc/apps_link.php?id=152255&type=blog ❤ 香港也能買到的平價日妝好物PART2 ❤ http://www.beautyexchange.com.hk/etc/apps_link.php?id=160781&type=blog 希望大家中意我既分享 歡迎任何合作❤ 試用❤ 出席活動❤ Email :emmama__2@hotmail.com Facebook : https://www.facebook.com/emmalovesbeauty Instagram : lny_emma Beautyexchange : http://www.beautyexchange.com.hk/blog/emmama__2 The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Elle : http://blogs.elle.com.hk/emmama2/ UBlog : https://blog.ulifestyle.com.hk/blogger/emmama213/ 免責聲明 **以上產品意見屬個人分享 並不代表該品牌之言論及立場**