金魚未婚夫身形高大又係肥仔一名, 又怕麻煩,婚紗舖店內都沒有適合他的size~哈哈XD 所以他都係婚紗舖Tailor Made佢套男禮!! 反正Big Day當日都可以著返!! 第一樣要揀既就係整套禮服既款, 未婚夫好快就決定英倫風,即係格仔。 其實金魚本身覺我好誇張, 但最後出黎既效果又幾靚!! 其實布料都揀左好耐,因為店內大部分格仔布既質地都比較厚, 但我們係7月去北海道影, 大家都知肥仔怕熱架嘛!! 好在睇左幾本布料, 終於搵到布料薄而未婚夫又喜歡的格仔布!!! 真係唔做金魚唔知,原來男禮有好多細位要選擇 領位原來有分煲呔同直呔 上圖就係煲呔既領形, 下圖就係直呔既領形。 連恤衫又要再揀, 鈕扣款式、鈕門線色、縫鈕扣既線色、 (上圖)中間個條線要唔要、 要既話又要再揀款同布料、 禮服既線色、禮服內裡既布料。。。 禮服內層個件原來叫馬甲!! (金魚聽到時,真係以為係女裝個D「馬甲」) 馬甲又要再揀邊位色、鈕扣款式、 鈕門線色、縫鈕扣既線色、衫袋線同色。。。 多到金魚都搞唔清楚,所以盡量影低, 費事有錯漏!! 好快就製作好啦~~ 未婚夫都覺得好好睇,好岩身!! 提提大家: 未婚夫話如果本身有皮鞋,而又想襯既話, 試禮服一定要帶皮鞋, 咁先知究竟襯唔襯!! 之後未婚夫就帶金魚去搵煲呔!! 都係去旺角太子個D,因為多款又唔算貴, 都買左3條煲呔架!! 其實因為未婚夫7月生日, 所以金魚一早就訂左「生日禮物」俾未婚夫, 無同佢講,而且覺得買多少少俾佢襯衫都無壞!! 但佢最終笑住咁講「早知唔買啦,你個個咁靚!!」 呢份咁靚既生日禮物係IG SHOP訂, 見佢木製又特別, 我們又要去影Pre-wedding,咁就岩晒啦~ 金魚更專登去婚紗舗買返佢套男禮既布, 俾IG SHOP製作!! 未婚夫收到時非常開心~~~~~ 因為呢份生日禮物係訂造的, 所以煲呔刻上未婚夫的名字, 袖口鈕亦刻上左日子及我們的縮寫, 係「專屬他的」!! 但原來佢套男禮係唔需要袖口鈕。。。 所以最終只有「木製煲呔」跟我們去北海道 有點要注意:呢條「木製煲呔」係需要帶得實少少, 如果唔係就會因為重量而歪歪的, 只要帶得實少少就可以Keep到個形架啦!! 金魚覺得真係幾襯佢套男禮!! 未婚夫都戴住唔想轉其他煲呔影XD ❤┌ Pre-Wedding ◎ 影婚紗相的選擇及決定 ┐│ 金魚 Elyse Wedding │ ❤ http://elyse214.blogspot.hk/2017/08/pre-wedding-elyse-wedding.html ❤┌ 金魚 Elyse ◎ Pre-wedding 準備(1) ┐│ 1次就能收細毛孔 │ ❤ http://elyse214.blogspot.hk/2017/09/elyse-pre-wedding-1-1.html ❤ (含婚照)┌金魚 Elyse ◎ Pre-wedding 準備(2) ┐│ 晚裝禮服 evening dress │ ❤ http://elyse214.blogspot.hk/2017/09/elyse-pre-wedding-2-evening-dress.html ❤┌ 金魚 Elyse ◎ Pre-wedding 準備(3) ┐婚紗由平腳變拖尾│ 瘦手臂、豐胸 │ ❤ http://elyse214.blogspot.hk/2017/09/elyse-pre-wedding-3.html 希望大家喜歡今次的分享~給我一個支持, 請Like my facebook page吧~ 金魚自由遊 Elyse Fish https://www.facebook.com/elyse214 聯絡我: elyse214@gmail.com